សម្តេចធិបតីហ៊ុន ម៉ាណែតអរគុណក្រុមហ៊ុន ធីអេច អូតូម៉ូធីវដែលបានបោះទុនវិនិយោគ ២០លានដុល្លារ បង្កើតរោងចក្រដំឡើងរថយន្តនៅកំពង់ឆ្នាំង

សម្តេចធិបតីបានបង្ហាញក្តីសោមនស្សរីករាយដែលដឹងថា ក្រៅពីរោងចក្រផ្គុំដំឡើងរថយន្តម៉ាក GAC របស់ប្រទេសចិន ក្រុមហ៊ុនក៏មានគម្រោងបង្កើតរោងចក្រផ្គុំដំឡើងរថយន្តម៉ាក Chevrolet របស់សហរដ្ឋអាម៉េរិកផងដែរ។ ដែលឆ្លុះបញ្ចាំងពីភាពជាដៃគូពីប្រទេសមហាអំណាចទាំងពីរ។
សម្តេចធិបតីបានអបអរសាទរចំពោះការវិវត្តរបស់ខេត្តកំពង់ឆ្នាំង ដែលពីមុនត្រូវបានគេហៅថាជា «ខេត្តគេទៅហួសមកហួស»។ប៉ុន្តែបច្ចុប្បន្នបានប្រែក្លាយខ្លួនជាខេត្តមានសក្តានុពលខ្លាំងក្នុងវិស័យឧស្សាហកម្មក្រោមការខិតខំប្រឹងប្រែងរបស់ថ្នាក់ដឹកនាំខេត្ត។
ផ្លូវជាតិលេខ៥ ដែលបានពង្រីករួចរាល់ ខេត្តកំពង់ឆ្នាំងនឹងក្លាយជាមូលដ្ឋានសំខាន់នៃការផលិតឧស្សាហកម្ម។ រាជរដ្ឋាភិបាលក៏មានគម្រោងសាងសង់ស្ពានឆ្លងកាត់ទន្លេសាបតាមផ្លូវ៥០C ដើម្បីតភ្ជាប់ពីស្រុកកំពង់លែង ខេត្តកំពង់ឆ្នាំង ទៅក្រុងស្ទឹងសែន ខេត្តកំពង់ធំ ព្រមទាំងគម្រោងបង្កើតកំពង់ផែពហុបំណង និងមណ្ឌលភស្តុភារកម្មថែមទៀតផង។រោងចក្រ ធីអេច អូតូម៉ូធីវ មេនូហ្វេកឆឺរីង៖
ជាក្រុមហ៊ុនរបស់ខ្មែរ១០០%។ប្រើប្រាស់ទុនវិនិយោគជិត ២០លានដុល្លារអាម៉េរិក លើផ្ទៃដីសរុប ១១ហិកតា។បច្ចុប្បន្នមានកម្មករជំនាញចំនួន ២៥០នាក់ ដែលបានទទួលការបណ្តុះបណ្តាលបច្ចេកទេសតាមស្តង់ដារអន្តរជាតិ។
មានសមត្ថភាពផ្គុំដំឡើងរថយន្តរហូតដល់២០ ០០០គ្រឿង ក្នុង១ឆ្នាំ