ជនបរទេសយ៉ាងហោចណាស់ ៥០នាក់នៅខេត្តព្រះសីហនុ ត្រូវបានចោទប្រកាន់ដោយប្រើច្បាប់ស្ដីពីការប្រឆាំងនឹងការឆបោកតាមប្រព័ន្ធបច្ចេកវិទ្យា ក្រោយពេលច្បាប់នេះត្រូវបានប្រកាសឲ្យប្រើកាលពីថ្ងៃទី៦ ខែមេសាកន្លងទៅ។
យោងតាមសេចក្ដីប្រកាសព័ត៌មានរបស់សាលាដំបូងខេត្តព្រះសីហនុកាលពីថ្ងៃទី៣០ ខែមេសា មានករណីឆបោកយ៉ាងហោចណាស់ ចំនួន ៣ដាច់ដោយឡែកពីគ្នា ដែលមានជនសង្ស័យជាង ៥០នាក់ ដែលត្រូវបានចោទប្រកាន់ពីច្បាប់ថ្មីនេះ។
ក្នុងចំណោមជនសង្ស័យបរទេស ភាគច្រើនជាជនជាតិចិន បន្ទាប់មកមានជនជាតមីយ៉ាន់ម៉ា និង នេប៉ាល់។ ក្នុងចំណោមពួកគេ អ្នកខ្លះជាប់បទចោទ ឆបោកតាមប្រព័ន្ធបច្ចេកវិទ្យាដោយមានក្រុមចាត់តាំង, ប៉ុនប៉ងប្រព្រឹត្តអំពើឆបោកដោយមានក្រុមចាត់តាំង, រៀបចំមជ្ឈមណ្ឌលឆបោកតាមបច្ចេកវិទ្យា, និងជ្រើសរើសអ្នកដទៃឲ្យចូលរួមប្រព្រឹត្តបទល្មើសឆបោកតាមអនឡាញ។
ពួកគេត្រូវបានបញ្ជូនទៅខ្លួនបណ្ដោះអាសន្ននៅពន្ធនាគារ៕
ព្រភព: PostKhmer