កិច្ចប្រជុំនៅសេតវិមានចប់ ដោយគ្មានបទឈប់បាញ់ចុងក្រោយនោះទេ

កិច្ចប្រជុំនៅសេតវិមានកាលពីថ្ងៃសុក្រ បានបញ្ចប់ទៅដោយគ្មានការសម្រេចចិត្តចុងក្រោយក្នុងការបន្តបទឈប់បាញ់នោះទេ បើទោះបីជាមានការព្រាងក្របខ័ណ្ឌការងាររយៈពេល ៦០ ថ្ងៃកាលពីថ្ងៃព្រហស្បតិ៍ក៏ដោយ ។

ប្រធានាធិបតី ដូណាល់ ត្រាំ បានទាមទារឱ្យអ៊ីរ៉ង់បោះបង់ចោលទាំងស្រុងនូវគោលដៅអាវុធនុយក្លេអ៊ែរ ព្រមទាំងអនុញ្ញាតឱ្យសហរដ្ឋអាមេរិកកម្ទេចសារធាតុអ៊ុយរ៉ាញ៉ូមចម្រាញ់រួច និងបើកច្រកសមុទ្រ Hormuz ឡើងវិញទាំងស្រុង ។

មន្ត្រីអ៊ីរ៉ង់បានបដិសេធលក្ខខណ្ឌផ្នែកនុយក្លេអ៊ែរនេះ ដោយអះអាងថា ក្របខ័ណ្ឌបច្ចុប្បន្នគឺផ្តោតលើតែការបញ្ចប់សង្គ្រាមប៉ុណ្ណោះ មិនមែនលើកម្មវិធីនុយក្លេអ៊ែរស៊ីវិលរបស់ខ្លួនឡើយ។ ពួកគេបញ្ជាក់ថា នឹងមិនមានសកម្មភាពណាមួយត្រូវបានអនុវត្តនោះទេ ប្រសិនបើគ្មានការធ្វើសម្បទានពីអាមេរិកមុននោះ ។

ទោះបីជាអនុប្រធានាធិបតី JD Vance លើកឡើងថា ភាគីទាំងពីរ “ជិតនឹងត្រូវរូវគ្នា” ក៏ដោយ ក៏ការរំលោភលើបទឈប់បាញ់ជាបន្តបន្ទាប់ — រួមទាំងការវាយប្រហារចុងក្រោយរបស់អ៊ីរ៉ង់លើមូលដ្ឋានទ័ពអាមេរិកនៅគុយវ៉ែត — និង ការព្រមានពីការវាយប្រហារយោធាសារជាថ្មីពីអាមេរិក បានបង្ហាញថាការចរចានេះកំពុងស្ថិតក្នុងស្ថានភាពប្រកបដោយហានិភ័យខ្ពស់ ៕

ប្រភព៖ BBC