ប្រធានាធិបតី ដូណាល់ ត្រាំ ពុំទាន់រកផ្លូវចេញណាមួយដែលទទួលបានជោគជ័យឡើយ

ប្រធានាធិបតី ដូណាល់ ត្រាំ កំពុងប្រឈមមុខនឹងភាពទាល់ច្រកផ្នែកនយោបាយនៅក្នុងសង្គ្រាមជាមួយប្រទេសអ៊ីរ៉ង់ ដោយគ្មានផ្លូវចេញណាមួយដែលទទួលបានជោគជ័យឡើយ ។ ជម្លោះនេះបានបាត់បង់ការគាំទ្រពីសាធារណជន ហើយប្រជាជនអាមេរិកភាគច្រើនមានការសង្ស័យយ៉ាងខ្លាំងចំពោះលទ្ធផលនៃសង្គ្រាមនេះ ។

ការស្ទង់មតិបានបង្ហាញថា ប្រជាជនអាមេរិកភាគច្រើនចង់ឱ្យបញ្ចប់ប្រតិបត្តិការយោធា ទោះបីជាមិនអាចសម្រេចបាននូវកិច្ចព្រមព្រៀងនុយក្លេអ៊ែរក៏ដោយ ហើយពួកគេយល់ថាសង្គ្រាមនេះមិនមានតម្លៃស្មើនឹងការខាតបង់នោះទេ ។

រដ្ឋបាលរបស់លោក ត្រាំ បានចូលរួមក្នុងជម្លោះនេះដោយគ្មានផែនការចាកចេញច្បាស់លាស់ និង បានកំណត់គោលដៅខ្ពស់ពេកដែលមិនអាចទៅរួច (ដូចជាការទាមទារឱ្យអ៊ីរ៉ង់ចុះចាញ់ដោយគ្មានលក្ខខណ្ឌ ហើយ ពេលនេះលោកកំពុងបង្ខំចិត្តបន្ថយការទាមទាររបស់ខ្លួនវិញ ។

ប្រជាជនអាមេរិកភាគច្រើនជឿថា សង្គ្រាមនេះផ្តល់ផលវិបាកត្រឡប់មកវិញ ដោយវាបានបង្កើនហានិភ័យនៃអំពើភេរវកម្ម ធ្វើឱ្យខូចខាតដល់ទំនាក់ទំនងសម្ព័ន្ធមិត្តរបស់អាមេរិក និង ធ្វើឱ្យមជ្ឈិមបូព៌ាកាន់តែអស្ថិរភាព ។

សមាជិកបក្សសាធារណរដ្ឋមានគំនិតនិយមសង្គ្រាមខឹងសម្បារ ព្រោះពួកគេបារម្ភថាវានឹងធ្វើឱ្យអ៊ីរ៉ង់កាន់តែមានអំណាចជាងមុន ដោយសារតែ ៥៩% នៃប្រជាជនអាមេរិកខ្វះជំនឿចិត្តលើការសម្រេចចិត្តរបស់លោក ត្រាំ លើបញ្ហាក្នុងប្រទេសអ៊ីរ៉ង់ ។ ផ្ទុយមកវិញ ជម្រើសដ៏ល្អបំផុតរបស់លោកនៅពេលនេះ គឺគ្រាន់តែជ្រើសរើសផ្លូវដើរចេញទាន់នៅអាក្រក់តិចតួច ទើបជាការប្រសើរ ៕

ប្រភព៖ CNN