ការលក់រថយន្តអគ្គិសនី (EV) របស់ក្រុមហ៊ុន Tesla ដែលផលិតក្នុងរោងចក្រនៅទីក្រុងសៀងហៃ បានហក់ឡើង ៣៦% ក្នុងខែមេសា បើធៀបនឹងរយៈពេលដូចគ្នាកាលពីឆ្នាំមុន។ នេះគឺជាការកើនឡើងជាប់ៗគ្នាសម្រាប់ខែទី៦ បើទោះបីជា Tesla កំពុងប្រឈមមុខនឹងការប្រកួតប្រជែងយ៉ាងខ្លាំងពីគូប្រជែងចិនដែលមានតម្លៃថោកជាងក៏ដោយ ហើយដើម្បីតទល់នឹងគូប្រជែង Tesla កំពុងអភិវឌ្ឍរថយន្តប្រភេទ SUV ខ្នាតតូចដែលមានតម្លៃសមរម្យជាងមុន សម្រាប់ផលិតនៅក្នុងប្រទេសចិន ។ គួរបញ្ជាក់ថា ការចែកចាយរថយន្ត Model 3 និង Model Y (រួមទាំងការនាំចេញទៅអឺរ៉ុប) មានចំនួនសរុប ៧៩,៤៧៨ គ្រឿង។
ចំនែកឯការលក់នៅអ៊ឺរ៉ុបមានការកើនឡើងដូចជា ប្រទេសស៊ុយអែត បារាំង និងដាណឺម៉ាក ព្រោះតែការឡើងថ្លៃប្រេងឥន្ធនៈ (ដោយសារជម្លោះរវាងអាមេរិក និងអ៊ីរ៉ង់) ។
ទោះជាយ៉ាងណា Telsa ផលិតនៅចិន កំពុងប្រឈមការយឺតយ៉ាវនៃការដាក់អនុម័តប្រព័ន្ធ FSD (Full Self-Driving) ប្រព័ន្ធបើកបរដោយខ្លួនឯង ព្រោះត្រូវបានពន្យារពេលទៅដល់ ត្រីមាសទី៣ ឆ្នាំ២០២៦ ៕
ប្រភព៖ Reuter
