សហរដ្ឋអាមេរិកបានបើកការវាយប្រហារផ្លូវអាកាសយោធាលើកទី ១១ បន្តបន្ទាប់គ្នាមកលើគោលដៅនានាក្នុងប្រទេសអ៊ីរ៉ង់ រួមមានមជ្ឈមណ្ឌលប្រតិបត្តិការយោធា ទីតាំងរក្សាទុកដ្រូន និងហេដ្ឋារចនាសម្ព័ន្ធជើងទឹក ក្នុងគោលបំណងកាត់បន្ថយសមត្ថភាពរបស់អ៊ីរ៉ង់ក្នុងការគំរាមកំហែងលើនាវាពាណិជ្ជកម្មនៅចច្រកសមុទ្រ Hormuz។
ភាពតានតឹងបានកើនឡើងយ៉ាងខ្លាំង បន្ទាប់ពីប្រធានាធិបតី ដូណាល់ ត្រាំ បានប្រកាសពីផែនការវាយប្រហារយ៉ាងធ្ងន់ធ្ងរលើ ភ្នំ Pickaxe ជាទីតាំងនុយក្លេអ៊ែរក្រោមដីរបស់អ៊ីរ៉ង់នៅជិតតំបន់ Natanz ជាហេតុធ្វើឱ្យទីក្រុងតេអេរ៉ង់ព្រមានថា ការវាយប្រហារបែបនេះនឹងពង្រីកសង្គ្រាមទូទាំងតំបន់ និងបណ្តាលឱ្យមានការវាយប្រហារសងសឹកលើប្រយោជន៍របស់អាមេរិក និងសម្ព័ន្ធមិត្ត។ សេចក្តីរាយការណ៍ក៏មានការផ្ទុះនៅក្នុងទីក្រុងជាច្រើនរបស់អ៊ីរ៉ង់ រួមទាំងទីក្រុង Bushehr ដែលជាទីតាំងរោងចក្រថាមពលនុយក្លេអ៊ែរតែមួយគត់របស់ប្រទេស ខណៈដែលប្រទេសសម្ព័ន្ធមិត្តក្នុងតំបន់ រួមមាន គូវ៉ែត បារ៉ែន និងហ្ស៊កដានី បានស្ទាក់ចាប់ការវាយប្រហារដោយដ្រូន និងមីស៊ីលពីអ៊ីរ៉ង់។ ការរលាយកិច្ចព្រមព្រៀងឈប់បាញ់មុនៗ និងជម្លោះបន្តបន្ទាប់នៅច្រកសមុទ្រ Hormuz បានរីករាលដាលដល់សមុទ្រក្រហម ដែលនៅទីនោះក្រុមប្រដាប់អាវុធហ៊ូធី (Houthi) កាន់កាប់ដោយអ៊ីរ៉ង់នៅយេម៉ែន បានគំរាមបិទកំពង់ផែអារ៉ាប៊ីសាអូឌីត ដោយបង្ខំឱ្យនាវាដឹកប្រេងឆៅប្តូរទិសដៅ និងធ្វើឱ្យតម្លៃប្រេងឥន្ធនៈពិភពលោកមានការប្រែប្រួលយ៉ាងខ្លាំង។ ទន្ទឹមនឹងនេះ រដ្ឋមន្ត្រីក្រសួងការពារជាតិអាមេរិក លោក Pete Hegseth បានប្រាប់ព្រឹទ្ធសភាថា សង្គ្រាមជាមួយអ៊ីរ៉ង់បានចំណាយថវិកាអស់ប្រមាណ ៣៧,៥ ពាន់លានដុល្លារ ហើយ ដោយព្រមានថាការហ្វឹកហ្វឺនយោធានឹងត្រូវកាត់បន្ថយ ប្រសិនបើមិនមានការកើនឡើងថវិកាបន្ទាន់ពីសភាទេនោះ ៕