មហាសេដ្ឋីElon Muskបានបង្ហាញផែនការសម្រាប់អាណត្តិថ្មីរបស់លោកTrump
ប្រសិនបើលោកក្លាយជាផ្នែកមួយនៃរដ្ឋបាលTrumpមហាសេដ្ឋីបច្ចេកវិទ្យា ElonMuskនឹងកាត់បន្ថយភ្នាក់ងារសហព័ន្ធមួយចំនួនដើម្បីជួយរដ្ឋាភិបាលអាមេរិកប្រតិបត្តិការកាន់តែមានប្រសិទ្ធភាព។

យោងតាមសារព័ត៌មាន RT កាលពីថ្ងៃទី ៦ ខែវិច្ឆិកាមហាសេដ្ឋីបច្ចេកវិទ្យា Elon Musk បានធ្វើបទសម្ភាសន៍ជាមួយអ្នកកាសែតTucker Carlson នៅឯគេហដ្ឋាន Mar-a-Lago របស់ប្រធានាធិបតីជាប់ឆ្នោតអាមេរិក Donald Trump ។ នៅទីនេះលោកMuskបានបង្ហាញពីផែនការអនាគតរបស់លោកប្រសិនបើលោកក្លាយជាផ្នែកនៃរដ្ឋាភិបាលថ្មី។លោក Musk បាននិយាយថា “ខ្ញុំពិតជាមានកិត្តិយសក្នុងការជួយរដ្ឋបាលថ្មីបង្កើនប្រសិទ្ធភាពការងារ។ យើងមានការិយាធិបតេយ្យដ៏ធំយើងមានភ្នាក់ងារដែលមានទំនួលខុសត្រូវត្រួតស៊ីគ្នា។វាបង្កើតបន្ទុកលើការចំណាយ។ការចំណាយសាធារណៈ នៅពេលដែលមានការចំណាយលាក់កំបាំងសំខាន់ៗជាច្រើន”។
កាលពីខែតុលាមហាសេដ្ឋីបច្ចេកវិទ្យាអាមេរិកបានសន្យាថានឹងជួយគណបក្សសាធារណរដ្ឋកាត់បន្ថយការចំណាយថវិកាប្រចាំឆ្នាំចំនួន”យ៉ាងហោចណាស់២ពាន់ពាន់លានដុល្លារ” ។នេះជាផែនការមួយរបស់លោក Musk ប្រសិនបើលោកក្លាយជាផ្នែកមួយនៃរដ្ឋបាលរបស់លោកប្រធានាធិបតី Trump។លោកMuskបាននិយាយថា”លុយរបស់អ្នកបង់ពន្ធកំពុងខ្ជះខ្ជាយហើយភ្នាក់ងារគ្រប់គ្រងការអនុវត្តរបស់រដ្ឋាភិបាលនឹងដោះស្រាយបញ្ហានេះ”។មហាសេដ្ឋីElonMuskគឺជាបុគ្គលដែលមានទស្សនៈអព្យាក្រឹតលើនយោបាយ។ប៉ុន្តែបានគាំទ្រលោកTrumpជាសាធារណៈចាប់តាំងពីខែកក្កដាឆ្នាំនេះ។យោងតាមប្រព័ន្ធផ្សព្វផ្សាយអាមេរិក លោក Trump បានសន្យាថានឹងបង្កើតគណៈកម្មការឯករាជ្យមួយស្តីពីប្រសិទ្ធភាពរបស់រដ្ឋាភិបាលហើយលោកMuskនឹងធ្វើជាប្រធាននាយកដ្ឋាននេះ។ក្រុមអ្នកសង្កេតការណ៍បាននិយាយថាចៅហ្វាយSpaceXបានផ្តល់វិភាគទានយ៉ាងហោចណាស់១១៨លានដុល្លារដល់យុទ្ធនាការបោះឆ្នោតរបស់លោក Trumpនិងជាតួអង្គសំខាន់ម្នាក់ដែលជួយបេក្ខជនមកពីគណបក្សសាធារណរដ្ឋត្រឡប់ទៅសេតវិមានវិញ។ក្នុងសុន្ទរកថាជ័យជម្នះរបស់លោក លោក Trump ក៏បានថ្លែងអំណរគុណជាច្រើនដល់មហាសេដ្ឋី Elon Musk។ លោក Trump បាននិយាយថា”យើងមានតារាថ្មីម្នាក់ឈ្មោះ Elon ។ គាត់គឺជាមនុស្សពិសេសម្នាក់ទេពកោសល្យដ៏អស្ចារ្យ។ យើងមិនមានមនុស្សច្រើនដូចគាត់ទេហើយយើងត្រូវការពារពួកគេ”៕
