ទំហំពាណិជ្ជកម្មរវាងរុស្ស៊ីនិងចិនគ្រោងនឹងបង្កើតកំណត់ត្រាប្រវត្តិសាស្ត្រថ្មីមួយដែលអាចឈានដល់២២០ពាន់លានដុល្លារនៅឆ្នាំនេះ។
ការព្យាករណ៍នេះទើបតែត្រូវបានធ្វើឡើងដោយនាយកស្តីទីនៃសេវាគយសហព័ន្ធរុស្ស៊ី Ruslan Davydov ។ បើធៀបនឹងរយៈពេលដូចគ្នាក្នុងឆ្នាំ២០២២ទំហំពាណិជ្ជកម្មរបស់ប្រទេសទាំង២ក្នុងរយៈពេល៩ខែដំបូងនៃឆ្នាំ២០២៣បានកើនឡើងចំនួន៣៥ ពាន់លានដុល្លារអាមេរិកស្មើនឹង២៧% ។ ក្នុង ចំណោម នោះ ចិន ជា អ្នក រួម ចំណែក ធំ ជាង ក្នុង ការ បង្កើន ពាណិជ្ជកម្ម រួម។
លោក Ruslan Davydov បានមានប្រសាសន៍ថា”ប្រសិនបើនិន្នាការបច្ចុប្បន្ននៅតែបន្តចំណូលសរុបអាចឈានដល់២២០ពាន់លានដុល្លារអាមេរិកនៅចុងឆ្នាំនេះ”។ សេវាគយសហព័ន្ធបាននិយាយថាខ្លួនកំពុងស្វែងរកការសម្រួលនីតិវិធី ដើម្បីបង្កើនល្បឿននៃការដឹកជញ្ជូននិងសម្រួលដល់កំណើនពាណិជ្ជកម្មបន្ថែមទៀត។
កាលពីឆ្នាំមុនពាណិជ្ជកម្មរវាងទីក្រុងម៉ូស្គូនិងទីក្រុងប៉េកាំងបានឈានដល់កំណត់ត្រា១៩០ពាន់លានដុល្លារអាមេរិក កើនឡើង២៩% បើធៀបនឹងឆ្នាំ ២០២១ដោយសារការដាក់ទណ្ឌកម្មរបស់លោកខាងលិចបានបង្ខំឱ្យរុស្ស៊ីបង្វែរលំហូរពាណិជ្ជកម្មទៅខាងកើត។ប្រទេសចិនគឺជាដៃគូពាណិជ្ជកម្មដ៏ធំបំផុតរបស់រុស្ស៊ីអស់រយៈពេលជាងមួយទសវត្សរ៍មកហើយដោយផ្គត់ផ្គង់ប្រទេសនេះនូវរថយន្តគ្រឿងម៉ាស៊ីនគ្រឿងអេឡិចត្រូនិចនិងផលិតផលផ្សេងៗទៀត។ទន្ទឹមនឹងនេះរុស្ស៊ីលក់ប្រេងឆៅនិងឥន្ធនៈហ្វូស៊ីលផ្សេងទៀតជាចម្បងទៅឱ្យប្រទេសចិន។រុស្ស៊ីប្តេជ្ញាកសាងផ្លូវដែកទៅកាន់ប្រទេសចិនក្នុងបរិបទដែលប្រទេសទាំង២ពង្រឹងទំនាក់ទំនងពាណិជ្ជកម្ម។ផ្លូវរថភ្លើង២ខ្សែ – មួយខ្សែពី Kemerovo និងមួយទៀតពី Krasnoyarsk – គឺជាផ្នែកមួយនៃយុទ្ធសាស្រ្តអភិវឌ្ឍន៍សេដ្ឋកិច្ចនៃតំបន់ស៊ីបេរី ។នេះបើយោងតាមឯកសារដែលបានចេញផ្សាយនៅលើគេហទំព័ររបស់រដ្ឋាភិបាលរុស្ស៊ីកាលពីដើមសប្តាហ៍នេះ។ជាពិសេស ផ្លូវទី១គឺភាគខាងជើងស៊ីបេរី ដោយឆ្លងកាត់ Altay ទៅ Wumuqi – រដ្ឋធានីនៃតំបន់ស្វយ័ត Uyghur ស៊ីនជាំង។ ការចំណាយប៉ាន់ស្មាននៃផ្លូវដែកប្រវែង១,៩០០គីឡូម៉ែត្រនេះគឺប្រហែល ២,៣ពាន់លានដុល្លារ។ ការសិក្សាលទ្ធភាពរួមទាំងការវាយតម្លៃការវិនិយោគ ត្រូវបានគេរំពឹងថានឹងបញ្ចប់នៅឆ្នាំ២០២៥។ខណៈពេលដែលខ្សែទី២ឆ្លងកាត់Tyvaលាតសន្ធឹងទៅព្រំដែនរវាងប្រទេសរុស្ស៊ីនិងម៉ុងហ្គោលីហើយបំបែកជា២ខ្សែនៅពេលឆ្លងកាត់ព្រំដែន។សាខាភាគខាងជើងនឹងចូលប្រទេសចិននៅឯទីក្រុង Erlian ដោយផ្តល់ការចូលទៅកាន់ទីក្រុងប៉េកាំង និងធានជីនដោយផ្ទាល់។ សាខាខាងលិចនឹងឆ្លងកាត់ទីក្រុង Khovd (ម៉ុងហ្គោលី) និងទីក្រុង Takashiken ក្នុងប្រទេសចិនទៅកាន់ Wumuqi ៕ប្រភពRT
