ក្រុមប្រដាប់អាវុធជនជាតិភាគតិចដែលប្រឆាំងនឹងរដ្ឋាភិបាលយោធាមីយ៉ាន់ម៉ាបាននិយាយថាខ្លួនបានកាន់កាប់ទីក្រុងពាណិជ្ជកម្មដ៏សំខាន់មួយនៅជិតព្រំដែននៃប្រទេសឥណ្ឌានិងបង់ក្លាដែស។យោងតាមសារព័ត៌មានReuters ក្រុមប្រដាប់អាវុធជនជាតិភាគតិច Arakan Army (AA)នៅរដ្ឋRakhineភាគខាងលិចប្រទេសមីយ៉ាន់ម៉ា បានប្រកាសនៅល្ងាចថ្ងៃទី១៤ខែមករាថាខ្លួនបានកាន់កាប់ទីក្រុងមួយជាប់ព្រំដែនរវាងមីយ៉ាន់ម៉ា ឥណ្ឌា និងបង់ក្លាដែស។អ្នកនាំពាក្យរបស់ AA បាននិយាយថា កងកម្លាំងនេះបានកាន់កាប់ទីក្រុងកំពង់ផែ Paletwa នៅលើទន្លេ Kaladan ដែលជាចំណុចពាណិជ្ជកម្មដ៏សំខាន់រវាងមីយ៉ាន់ម៉ា និងប្រទេសជិតខាង។នេះគឺជាការបាត់បង់ចុងក្រោយបំផុតរបស់រដ្ឋាភិបាលយោធានៅក្នុងអំណាចនៅក្នុងប្រទេសមីយ៉ាន់ម៉ាក្នុងបរិបទនៃក្រុមប្រដាប់អាវុធជាច្រើនដែលលេចឡើងនៅក្នុងតំបន់មួយចំនួននៃប្រទេស។អ្នកនាំពាក្យ AAលោក Khine Thu Khaបាននិយាយនៅក្នុងសេចក្តីថ្លែងការណ៍មួយថា “លើបញ្ហាស្ថិរភាពព្រំដែនយើងនឹងសហការល្អបំផុតជាមួយប្រទេសជិតខាង” ។លោកបាន បន្ថែម ថាកម្លាំងAAនឹង ទទួល បន្ទុក គ្រប់គ្រងនិង អនុវត្ត ច្បាប់ នៅ ក្នុង តំបន់។កន្លងមកកាលពីថ្ងៃទី៥ខែមករាសម្ព័ន្ធមិត្តឧទ្ទាមនៅភាគឦសានប្រទេសមីយ៉ាន់ម៉ាក៏បានប្រកាសពីការចាប់យកទីក្រុង Laukkai ដោយជោគជ័យដែលមានទីតាំងនៅជិតព្រំដែនភាគខាងជើងនៃប្រទេសមីយ៉ាន់ម៉ាជាមួយប្រទេសចិន។សម្ព័ន្ធភាពទាំង៣ រួមមាន កងទ័ពអារ៉ាកាន (AA) កងទ័ពសម្ព័ន្ធប្រជាធិបតេយ្យជាតិមីយ៉ាន់ម៉ា (MNDAA) និងកងទ័ពរំដោះជាតិតាយ៉ាង(TNLA)។
នៅថ្ងៃទី១២ខែមករា សម្ព័ន្ធទាំង៣បានយល់ព្រមបទឈប់បាញ់ជាមួយកងទ័ពមីយ៉ាន់ម៉ាក្នុងការចរចាដែលសម្របសម្រួលដោយប្រទេសចិន។ទោះជាយ៉ាងណាក៏ដោយ នៅថ្ងៃទី១៤ខែមករាសម្ព័ន្ធឧទ្ទាមបានចោទប្រកាន់រដ្ឋាភិបាលយោធាមីយ៉ាន់ម៉ាថាបានរំលោភលើបទឈប់បាញ់នៅពេលដែលកងទ័ពបានបើកការវាយប្រហារជាច្រើនដងនៅក្នុងទីក្រុងជាច្រើនក្នុងរដ្ឋShan ជាប់ព្រំដែនប្រទេសចិន៕
