លោកប្រធានាធិបតីJokoWidodoបានឲ្យដឹងថាប្រទេសឥណ្ឌូនេស៊ីនិងវៀតណាមមានចក្ខុវិស័យរួមក្នុងការក្លាយជាប្រទេសដែលមានប្រាក់ចំណូលខ្ពស់នៅឆ្នាំ២០៤៥។ ដើម្បីធ្វើដូច្នេះបានភាគីទាំង២ចាំបាច់ត្រូវជំរុញកិច្ចសន្ទនា និងកិច្ចសហប្រតិបត្តិការប្រកបដោយគុណភាពខ្ពស់។
ក្នុងក្របខ័ណ្ឌនៃដំណើរទស្សនកិច្ចថ្នាក់រដ្ឋនៅវៀតណាមរបស់ប្រធានាធិបតីឥណ្ឌូនេស៊ី Joko Widodo នាព្រឹកថ្ងៃទី១៣មករានៅទីក្រុងហាណូយ នាយករដ្ឋមន្ត្រី Pham Minh Chinh និងប្រធានាធិបតី Joko Widodo បានធ្វើជាសហប្រធាននៃកិច្ចសន្ទនាធុរកិច្ចកម្រិតខ្ពស់វៀតណាម-ឥណ្ឌូនេស៊ី។លោក Denny Abdi ឯកអគ្គរដ្ឋទូតឥណ្ឌូណេស៊ីប្រចាំនៅវៀតណាម បានសម្តែងការសប្បាយរីករាយដោយសារថ្នាក់ដឹកនាំជាន់ខ្ពស់២រូប មកពីប្រទេសវៀតណាមនិងឥណ្ឌូនេស៊ី បានចូលរួម។ លោក ថានេះ បង្ហាញ ពី ការ គាំទ្រ យ៉ាង ខ្លាំង របស់ មេដឹកនាំ ទាំង ២ក្នុង ការ ធ្វើ ឲ្យ អាជីវកម្ម កាន់ តែ ប្រសើរ ឡើង។ ពាណិជ្ជកម្មទ្វេភាគីនឹងឈានដល់១៤ពាន់លានដុល្លារនៅឆ្នាំ ២០២២កើនឡើង៤២%លើសពីគោលដៅដែលបានកំណត់ដោយមេដឹកនាំនៃប្រទេសទាំង២។ថ្លែងមតិនៅកិច្ចសន្ទនានេះប្រធានាធិបតីឥណ្ឌូនេស៊ីលោក Joko Widodo បាននិយាយថាឥណ្ឌូនេស៊ី និងវៀតណាមមានចក្ខុវិស័យរួមក្នុងការខិតខំក្លាយជាប្រទេសដែលមានប្រាក់ចំណូលខ្ពស់នៅឆ្នាំ២០៤៥។ដើម្បីសម្រេចបាននូវចក្ខុវិស័យនោះភាគីទាំង២ត្រូវពង្រឹងកិច្ចសន្ទនានិងកិច្ចសហប្រតិបត្តិការប្រកបដោយគុណភាពខ្ពស់។ លោកប្រធានាធិបតីបាននិយាយថាប្រទេសឥណ្ឌូនេស៊ីមានសក្តានុពលអភិវឌ្ឍន៍និងកំពុងជំរុញការអភិវឌ្ឍន៍នៃឧស្សាហកម្មរថយន្តអគ្គិសនី។លោកប្រធានាធិបតីJokoWidodoស្វាគមន៍និងសង្ឃឹមថាអង្គភាពអាជីវកម្មឈានមុខរបស់វៀតណាមនឹងសហការ និងវិនិយោគបន្ថែមទៀតនៅឥណ្ឌូនេស៊ី។ ក្រៅពីនោះលោកប្រធានាធិបតីចង់ឱ្យអ្នកវិនិយោគវៀតណាមកាន់តែច្រើនមកបណ្តាក់ទុននៅឥណ្ឌូនេស៊ីក្នុងវិស័យធនាគារ ហិរញ្ញវត្ថុ អប់រំ វិទ្យាសាស្ត្រ និងបច្ចេកវិទ្យានិងផលិតកម្ម។នាយករដ្ឋមន្ត្រី Pham Minh Chinh ក៏បានចែករំលែកថាមតិរបស់លោកJokoWidodoនៅកិច្ចពិភាក្សាមានសារៈសំខាន់ រួមចំណែកបំផុសគំនិតអាជីវកម្មជំរុញកិច្ចសហប្រតិបត្តិការ និងវិនិយោគ។ប្រមុខរដ្ឋាភិបាលបានមានប្រសាសន៍ថា ចក្ខុវិស័យរបស់ប្រទេសទាំង២ក្នុងការក្លាយជាប្រទេសអភិវឌ្ឍន៍ដែលមានប្រាក់ចំណូលខ្ពស់នៅឆ្នាំ២០៤៥ ទាមទារឱ្យមានការចូលរួមពីប្រជាជន និងធុរកិច្ចដើម្បីជួយគ្នាទៅវិញទៅមក។នាយករដ្ឋមន្ត្រីបានចែករំលែកថា ក្រោយរយៈពេលជិត៧០ឆ្នាំនៃការបង្កើតទំនាក់ទំនងវៀតណាម-ឥណ្ឌូណេស៊ីមានការអភិវឌ្ឍន៍ឥតឈប់ឈរដោយមានកិច្ចសហប្រតិបត្តិការសេដ្ឋកិច្ចជាចំណុចភ្លឺស្វាង។ទោះជាយ៉ាងណាក៏ដោយកិច្ចសហប្រតិបត្តិការសេដ្ឋកិច្ចមិនសមស្របនឹងវិសាលភាពនៃទំនាក់ទំនងនយោបាយទំហំនៃសេដ្ឋកិច្ច ប្រជាជននៃប្រទេសទាំង២ក៏ដូចជាការចង់បានរបស់ភាគីទាំង២។
នាយករដ្ឋមន្ត្រី Pham Minh Chinh បានស្វាគមន៍ចំពោះធុរកិច្ចឥណ្ឌូណេស៊ី ដែលបានបណ្តាក់ទុននៅវៀតណាម រួមទាំងគម្រោងជោគជ័យជាច្រើន ក្លាយជាគំរូក្នុងកិច្ចសហប្រតិបត្តិការសេដ្ឋកិច្ចរវាងប្រទេសទាំង២។លោកនាយករដ្ឋមន្ត្រីបានមានប្រសាសន៍ថាវៀតណាមលើកទឹកចិត្តសហគ្រាសវិនិយោគក្នុងវិស័យសេដ្ឋកិច្ចដែលកំពុងរីកចម្រើននិងឧស្សាហកម្មដែលឥណ្ឌូនេស៊ីមានចំណុចខ្លាំង។ នាយករដ្ឋមន្ត្រីក៏ចង់ឲ្យធុរកិច្ចឥណ្ឌូណេស៊ីសហការ និងជួយឧបត្ថម្ភធុរកិច្ចវៀតណាមចូលរួមក្នុងខ្សែសង្វាក់ផ្គត់ផ្គង់នៅឥណ្ឌូនេស៊ី និងសកលលោក។វៀតណាមត្រៀមខ្លួនជាស្រេចដើម្បីស្តាប់ និងសន្ទនាជាមួយធុរកិច្ចដើម្បីដោះស្រាយបញ្ហារបស់ខ្លួនដល់ទីបញ្ចប់ដោយស្មារតីប្តេជ្ញាបន្ទាប់មកយើងត្រូវតែធ្វើពេលយើងធ្វើយើងត្រូវទទួលបានលទ្ធផល “ថ្លឹងថ្លែងវាស់វែង” សម្រេចបានសុខដុមរមនាផលប្រយោជន៍ រវាងរដ្ឋ ប្រជាជននិងអាជីវកម្ម។នាយករដ្ឋមន្ត្រី Pham Minh Chinh បានអះអាងថា វៀតណាមជានិច្ចកាលបង្កើតលក្ខខណ្ឌល្អបំផុតសម្រាប់អង្គភាពអាជីវកម្ម រួមទាំងធុរកិច្ចឥណ្ឌូណេស៊ីមកបណ្តាក់ទុននិងធ្វើអាជីវកម្មប្រកបដោយស្ថិរភាពយូរអង្វែងនិងជោគជ័យនៅវៀតណាមរួមទាំងការធ្វើឲ្យល្អឥតខ្ចោះនូវប្រព័ន្ធច្បាប់យន្តការកសាងហេដ្ឋារចនាសម្ព័ន្ធនិងបណ្តុះបណ្តាលធនធានមនុស្ស។ ដើម្បីឱ្យអាជីវកម្មអាចវិនិយោគបានយ៉ាងរលូន។នៅក្នុងកិច្ចសន្ទនានេះ អង្គភាពអាជីវកម្មនៃប្រទេសទាំងពីរក៏បានបង្ហាញពីចក្ខុវិស័យអាជីវកម្ម និងវិនិយោគនៅវៀតណាមនិងឥណ្ឌូនេស៊ីផងដែរ។ធុរកិច្ចឥណ្ឌូនេស៊ីកោតសរសើរចំពោះការគាំទ្រការសម្របសម្រួលនិងការកែលម្អបរិយាកាសវិនិយោគធុរកិច្ចរបស់រដ្ឋាភិបាលសម្រាប់វិនិយោគិនបរទេសជាទូទៅរួមទាំងវិនិយោគិនឥណ្ឌូនេស៊ីផងដែរ៕ដោយឌុំសាវ៉ុន
