ជាលើកដំបូងចាប់តាំងពីឆ្នាំ២០២១មូលធននីយកម្មរបស់ក្រុមហ៊ុនMicrosoftបានវ៉ាក្រុមហ៊ុនAppleដែលបានក្លាយជាក្រុមហ៊ុនមានតម្លៃបំផុតរបស់ពិភពលោក។ក្រុមហ៊ុនMicrosoftបានដាក់បញ្ចូលបច្ចេកវិទ្យាបញ្ញាសិប្បនិមិត្តរបស់OpenAIទៅក្នុងកម្មវិធីរបស់ពួកគេ។ ការផ្លាស់ប្តូរនេះជួយឱ្យផ្នែកកុំព្យូទ័ររបស់ពួកគេងើបឡើងវិញយ៉ាងខ្លាំងនៅក្នុងត្រីមាសទី៣នៃឆ្នាំ២០២៣។ក្នុងនាមជាអ្នកដឹកនាំផ្នែកAI ក៏ផ្តល់ឱ្យក្រុមហ៊ុនMicrosoftនូវឱកាសបន្ថែមទៀតដើម្បីប្រជែងនឹងភាពលេចធ្លោរបស់Google។ក្រៅពីនេះAppleក៏ប្រឈមនឹងការប្រកួតប្រជែងកាន់តែខ្លាំងឡើងពីក្រុមហ៊ុនHuaweiនៅចិនផងដែរ។ចាប់តាំងពីឆ្នាំ២០១៨ក្រុមហ៊ុនMicrosoftបានវ៉ាដាច់Appleជាច្រើនដងក្នុងមួយភ្លែតដើម្បីក្លាយជាក្រុមហ៊ុនដែលមានតម្លៃបំផុតក្នុងពិភពលោក។ថ្មីៗបំផុតគឺនៅឆ្នាំ២០២១ដោយសារក្តីបារម្ភអំពីការរំខានដល់ខ្សែសង្វាក់ផ្គត់ផ្គង់ក្នុងអំឡុងពេលជំងឺរាតត្បាត។អ្នកវិភាគបាននិយាយថាប្រាក់ចំណូលរបស់ក្រុមហ៊ុនAppleក្នុងត្រីមាសចុងក្រោយនៃឆ្នាំមុនអាចកើនឡើង០.៧%ដល់១១៧.៩ពាន់លានដុល្លារអាមេរិក។នេះ នឹង ជា លើក ដំបូង ក្នុង រយៈ ពេល ៤ត្រីមាស កន្លង មក នេះដែល ក្រុមហ៊ុន បាន កត់ត្រា កំណើន ប្រាក់ ចំណូល ធៀបនឹងឆ្នាំមុន។ទន្ទឹមនឹងនេះប្រាក់ចំណូលរបស់Microsoftត្រូវបានគេព្យាករណ៍ថានឹងកើនឡើង១៦% ដល់៦១.១ពាន់លានដុល្លារ។
ការបិទការជួញដូរនៅថ្ងៃទី១២ ខែមករាភាគហ៊ុនរបស់ក្រុមហ៊ុន Apple បានកើនឡើង០.២% ខណៈដែលភាគហ៊ុនរបស់ Microsoft កើនឡើង១% ។ ដោយសារតែនោះ មូលធននីយកម្មរបស់ Microsoft បានឈានដល់ ២,៨៨៧ ពាន់លានដុល្លារ ដែលជាចំនួនខ្ពស់បំផុតរហូតមកដល់បច្ចុប្បន្ន។ មូលធននីយកម្មរបស់ Apple បច្ចុប្បន្នគឺ២,៨៧៥ ពាន់លានដុល្លារ។
ការព្រួយបារម្ភអំពីតម្រូវការស្មាតហ្វូនបានទាញភាគហ៊ុនរបស់ក្រុមហ៊ុន Apple ធ្លាក់ចុះ០.៦% នៅឆ្នាំនេះ បន្ទាប់ពីបានកើនឡើង៤៨% កាលពីឆ្នាំមុន។ ផ្ទុយទៅវិញភាគហ៊ុនរបស់ Microsoft បានកើនឡើង៤% បន្ទាប់ពីបានកើនឡើង៥៧%កាលពីឆ្នាំមុន។វិនិយោគិនមានការរំភើបចំពោះកម្មវិធីយក្សនេះដោយសារការវិនិយោគរបស់ក្រុមហ៊ុន Microsoft នៅក្នុង OpenAIជាក្រុមហ៊ុនមេរបស់ ChatGPT៕
