ប្រទេសចិនបានប្រកាសថាខ្លួននឹងដាក់ទណ្ឌកម្មលើអ្នកម៉ៅការការពារជាតិអាមេរិកចំនួន៥នាក់ដោយសារតែក្រុមហ៊ុនទាំងនេះបានលក់សព្វាវុធទៅកាន់កោះតៃវ៉ាន់។អ្នកនាំពាក្យក្រសួងការបរទេសចិនបាននិយាយកាលពីថ្ងៃទី៧ខែមករាថាប្រទេសនេះនឹងដាក់ទណ្ឌកម្មក្រុមហ៊ុនផលិតយោធាអាមេរិកចំនួន៥ដើម្បីឆ្លើយតបទៅនឹងក្រុមហ៊ុនទាំងនេះដែលលក់អាវុធឱ្យតៃវ៉ាន់។ទោះបីជាសហរដ្ឋអាមេរិកមិនមានទំនាក់ទំនងផ្លូវការជាមួយកោះតៃវ៉ាន់ក៏ដោយវាគឺជាដៃគូសេដ្ឋកិច្ចនិងយោធាឈានមុខគេរបស់កោះនេះ។ការ លក់ អាវុធ របស់ សហរដ្ឋ អាមេរិក ទៅ ឲ្យ តៃវ៉ាន់ ជា ញឹក ញាប់ ជា មូលហេតុ នៃ ភាព តានតឹង រវាង ក្រុង វ៉ាស៊ីនតោននិង ក្រុង ប៉េកាំង។ ចិនចាត់ទុកតៃវ៉ាន់ជាទឹកដីដែលមិនអាចបំបែកបានដែលត្រូវតែបង្រួបបង្រួមគ្រប់ការចំណាយរួមទាំងការប្រើប្រាស់កម្លាំងផងដែរ។
ក្រសួងការបរទេសសហរដ្ឋអាមេរិកកាលពីខែមុនបានអនុម័តការលក់ឧបករណ៍ដែលមានតម្លៃ៣០០លានដុល្លារដើម្បីជួយរក្សាប្រព័ន្ធព័ត៌មានយុទ្ធសាស្ត្ររបស់តៃវ៉ាន់។ទីក្រុងប៉េកាំងបានចោទប្រកាន់ការលក់សព្វាវុធនាពេលថ្មីៗនេះថា “ធ្វើឱ្យអធិបតេយ្យភាពនិងផលប្រយោជន៍សន្តិសុខរបស់ចិនចុះខ្សោយយ៉ាងធ្ងន់ធ្ងរធ្វើឱ្យប៉ះពាល់ដល់សន្តិភាពនិងស្ថិរភាពយ៉ាងធ្ងន់ធ្ងរនៅច្រកសមុទ្រតៃវ៉ាន់”។
ក្រុមហ៊ុនដែលដាក់ក្នុង”បញ្ជីខ្មៅ” ដោយប្រទេសចិនរួមមាន BAE Systems Land & Armaments, Alliant Techsystems Operations, AeroVironment, Viasat និង Data Link Solutions ។
អ្នកនាំពាក្យបាននិយាយថាប្រទេសចិននឹងបង្កកទ្រព្យសម្បត្តិរបស់ក្រុមហ៊ុនទាំងនេះនិងហាមប្រាមមនុស្សឬអង្គការនានាក្នុងប្រទេសចិនពីការសហការជាមួយអង្គភាពខាងលើ។អាមេរិក មិន បាន ធ្វើ អត្ថាធិប្បាយ អំពី ចំណាត់ការ របស់ ចិន ទេ៕ប្រភពReuters
