តើ ប្រធានាធិបតី អាមេរិកនិង ប្រធានាធិបតី ចិន បាន និយាយ អ្វី ដល់ គ្នា ទៅ វិញ ទៅ មក ក្នុង ថ្ងៃ ដំបូង នៃ ឆ្នាំ ២០២៤?
ប្រធានរដ្ឋចិន Xi Jinping និងប្រធានាធិបតីអាមេរិក Joe Biden បានផ្លាស់ប្តូរសារអបអរសាទរនៅថ្ងៃទី១ខែមករាឆ្នាំ២០២៤ដែលក៏ជាខួបលើកទី៤៥នៃការបង្កើតទំនាក់ទំនងការទូតរវាងប្រទេសទាំង២ផងដែរ។
ទូរទស្សន៍កណ្តាលចិន CCTV បានរាយការណ៍ព័ត៌មាននេះនៅព្រឹកថ្ងៃទី១ ខែមករាឆ្នាំ២០២៤។សារឆ្នាំថ្មីរវាងមេដឹកនាំទាំង២ធ្វើឡើងស្របពេលដែលប្រទេសទាំង២ព្យាយាមស្តារទំនាក់ទំនងដែលបានកើនឡើងដល់ចំណុចប្រឈមមុខតានតឹងបំផុតក្នុងរយៈពេល៤៥ឆ្នាំកន្លងមកនេះ។កាលពីខែវិច្ឆិកាឆ្នាំមុន លោក Xi និងលោក Biden បានជួបប្រជុំគ្នានៅ San Francisco មុនពេលកិច្ចប្រជុំកំពូលAPECហើយបានយល់ព្រមស្តារបណ្តាញទំនាក់ទំនងជាបន្តបន្ទាប់ដែលមានកម្រិតធ្ងន់ធ្ងរបន្ទាប់ពីដំណើរទស្សនកិច្ច អតីតប្រធានសភាNancyPelosiនៅខែសីហាឆ្នាំ២០២២ទៅកាន់កោះតៃវ៉ាន់។ទីក្រុងប៉េកាំង និងវ៉ាស៊ីនតោនបានបង្កើតទំនាក់ទំនងជាផ្លូវការនៅថ្ងៃទី១ ខែមករាឆ្នាំ១៩៧៩ដោយផ្អែកលើកិច្ចព្រមព្រៀងដែលសម្រេចបានបន្ទាប់ពីការចរចាជាច្រើនឆ្នាំ។នៅក្នុងលិខិតមួយផ្ញើជូនលោក Biden លោក Xi បាននិយាយថាការបង្កើតទំនាក់ទំនងការទូតរវាងចិន និងសហរដ្ឋអាមេរិក គឺជា “ព្រឹត្តិការណ៍ដ៏សំខាន់”នៅក្នុងប្រវត្តិសាស្រ្តនៃទំនាក់ទំនងទ្វេភាគី និងអន្តរជាតិ។នេះបើយោងតាមឯកសារដែលចេញផ្សាយដោយទីក្រុងប៉េកាំង។លោក Xi បានសង្កត់ធ្ងន់ថា “ក្នុងរយៈពេល៤៥ ឆ្នាំកន្លងមកនេះ ទំនាក់ទំនងចិន-អាមេរិកបានឆ្លងកាត់ការឡើងចុះ។ប៉ុន្តែជារួមបានឆ្ពោះទៅមុខ។នេះមិនត្រឹមតែបង្កើនផលប្រយោជន៍របស់ប្រជាជនទាំង២ប៉ុណ្ណោះទេ ថែមទាំងលើកកម្ពស់សន្តិភាពផងដែរ។”ប្រវត្តិសាស្រ្តមានហើយនឹងបន្តបង្ហាញឱ្យឃើញយ៉ាងពេញលេញថាការគោរពគ្នាទៅវិញទៅមកការរួមរស់ដោយសន្តិភាពនិងកិច្ចសហប្រតិបត្តិការឈ្នះ-ឈ្នះគឺជាផ្លូវត្រឹមត្រូវសម្រាប់ប្រទេសចិននិងអាមេរិកក្នុងការរួមរស់ជាមួយគ្នា”។លោកXiក៏បានលើកឡើងផងដែរអំពីកិច្ចប្រជុំខែវិច្ឆិកាឆ្នាំ២០២៣ជាមួយលោកBidenនៅពេលដែលលោកបាននិយាយថា “ទស្សនៈវិស័យនៅសាន់ហ្វ្រាន់ស៊ីស្កូ” បានបើកអនាគត និងបង្ហាញពីទិសដៅសម្រាប់ការអភិវឌ្ឍន៍ទំនាក់ទំនងចិន-អាមេរិក។
មេដឹកនាំចិនបានសង្កត់ធ្ងន់លើការត្រៀមខ្លួនរបស់ខ្លួនក្នុងកិច្ចសហប្រតិបត្តិការដើម្បីបន្តលើកកម្ពស់ទំនាក់ទំនងចិន-អាមេរិក ដោយនាំមកនូវផលប្រយោជន៍សម្រាប់ទាំងប្រទេសចិនសហរដ្ឋអាមេរិក និងប្រជាជនរបស់ពួកគេនិងការលើកកម្ពស់សន្តិភាពនិងការអភិវឌ្ឍន៍ពិភពលោក។យោងតាមកាសែត South China Morning Post ប្រធានាធិបតី Bidenបានឆ្លើយតបថាចាប់តាំងពីការបង្កើតទំនាក់ទំនងការទូតនៅឆ្នាំ១៩៧៩ទំនាក់ទំនងរវាងសហរដ្ឋអាមេរិកនិងប្រទេសចិនបានលើកកម្ពស់ភាពរុងរឿង និងឱកាសសម្រាប់សហរដ្ឋអាមេរិកចិននិងពិភពលោក។

លោកBidenបានប្រកាសថា៖”ខ្ញុំប្តេជ្ញាគ្រប់គ្រងទំនាក់ទំនងដ៏សំខាន់នេះប្រកបដោយទំនួលខុសត្រូវ។ខ្ញុំទន្ទឹងរង់ចាំការកសាងនូវវឌ្ឍនភាពដែលធ្វើឡើងដោយអ្នកកាន់តំណែងមុនរបស់ខ្ញុំក៏ដូចជាកិច្ចប្រជុំនិងការពិភាក្សាជាច្រើនរបស់យើង” ៕
