វសម្ព័ន្ធមិត្តមានការសង្ស័យ ចំពោះគំនិតរបស់អាមេរិកក្នុងការ រឹបអូសទ្រព្យសម្បត្តិ រុស្ស៊ី

ប្រទេសក្នុងសហភាពអឺរ៉ុប រួមមាន អាល្លឺម៉ង់ បារាំង និងអ៊ីតាលីមានការសង្ស័យ និងប្រុងប្រយ័ត្នចំពោះគំនិតរបស់អាមេរិកក្នុងការរឹបអូសទ្រព្យសម្បត្តិដែលបង្កករបស់រុស្ស៊ី។សារព័ត៌មាន Financial Times បានរាយការណ៍ថានាពេលថ្មីៗនេះ មន្ត្រីអាមេរិកបានព្យាយាមបញ្ចុះបញ្ចូលប្រទេសសម្ព័ន្ធមិត្តឱ្យពិភាក្សាអំពីវិធីរឹបអូសទ្រព្យសម្បត្តិដែលជាប់គាំងរបស់រុស្ស៊ីដែលមានតម្លៃ៣០០ពាន់លានដុល្លារដើម្បីគាំទ្រដល់ការកសាងឡើងវិញក្រោយជម្លោះរបស់អ៊ុយក្រែន។ដោយមានការគាំទ្រពីចក្រភពអង់គ្លេសជប៉ុននិងកាណាដាទីក្រុងវ៉ាស៊ីនតោនបានស្នើរៀបចំជម្រើសនៃការរឹបអូសទ្រព្យសម្បត្តិនៅឯកិច្ចប្រជុំនៃក្រុមG7នៅថ្ងៃទី២៤ខែកុម្ភៈ ឆ្នាំ២០២៤ ។

ទោះជាយ៉ាងណាក៏ដោយ ប្រទេសសហភាពអឺរ៉ុបមួយចំនួន រួមទាំងអាល្លឺម៉ង់ បារាំង និងអ៊ីតាលីជឿថាការចូលប្រើប្រាស់ទ្រព្យសម្បត្តិដែលរឹបអូសទាំងនោះនឹងមិនងាយស្រួលទេហើយនឹងមិនគ្រប់គ្រាន់ដើម្បីបំពេញតម្រូវការការកសាងឡើងវិញរបស់អ៊ុយក្រែននោះទេ។បន្ទាប់ពីរុស្ស៊ីបានចាប់ផ្តើមយុទ្ធនាការយោធារបស់ខ្លួននៅក្នុងប្រទេសអ៊ុយក្រែនក្នុងឆ្នាំ២០២២សហរដ្ឋអាមេរិក និងសម្ព័ន្ធមិត្តរបស់ខ្លួនបានដាក់ទណ្ឌកម្មជាបន្តបន្ទាប់ រួមទាំងការបង្កកទ្រព្យសម្បត្តិរបស់រុស្ស៊ីនៅក្នុងប្រទេសទាំងនេះ។ ចំនួនទឹកប្រាក់នៃទ្រព្យសម្បត្តិដែលបង្កកត្រូវបានគេប៉ាន់ស្មានថាមានរហូតដល់៣០០ពាន់លានដុល្លារ។កាសែត New York Times បានវិភាគបញ្ហាប្រឈមដែលG7 អាចប្រឈមមុខ។ប្រសិនបើខ្លួនសម្រេចចិត្តរឹបអូសទ្រព្យសម្បត្តិនេះ។

ទី១៖មនុស្សជាច្រើនមានការព្រួយបារម្ភអំពីថាតើទ្រព្យសម្បត្តិដែលរឹបអូសបាននឹងត្រូវបញ្ជូនដោយផ្ទាល់ទៅកាន់ទីក្រុងគៀវឬក៏អាចប្រើប្រាស់សម្រាប់ផលប្រយោជន៍របស់ប្រទេសទាំងនេះតាមមធ្យោបាយផ្សេងទៀត។ទី២៖ក្នុងករណីដែលលុយនេះត្រូវបានផ្ញើទៅប្រទេសអ៊ុយក្រែន តើវានឹងបម្រើជាថវិកាសង្គ្រោះក្រោយសង្គ្រាមសម្រាប់ប្រទេស ឬវានឹងបន្តជាជំនួយយោធា?
ទីបំផុត ការ រឹបអូស ទ្រព្យសម្បត្តិ ជាតិ ទ្រង់ទ្រាយ ធំ បែប នេះគឺ មិន ធ្លាប់មាន ក្នុង ប្រវត្តិសាស្ត្រ ទេ ។G7នឹងត្រូវពិចារណាដោយប្រុងប្រយ័ត្ននូវសេណារីយ៉ូនៃការសងសឹករបស់ទីក្រុងម៉ូស្គូរួមទាំងការដាក់ពាក្យបណ្តឹងអន្តរជាតិនិងការអនុវត្តគោលនយោបាយស្រដៀងគ្នាទៅនឹងទ្រព្យសម្បត្តិនៃប្រទេស “មិនសុខចិត្ត” ដែលរុស្ស៊ីបង្កក៕