រដ្ឋColorado បានសម្រេចថា លោក Trump មិនមានសិទ្ធិ និង ត្រូវដកចេញពីសន្លឹកឆ្នោតប្រធានាធិបតី

តុលាការកំពូលនៃរដ្ឋColoradoបានប្រកាសថាលោកTrumpមិនមានលក្ខណៈគ្រប់គ្រាន់សម្រាប់សេតវិមាននិងបានដកអតីតប្រធានាធិបតីចេញពីការបោះឆ្នោតប្រធានាធិបតីបឋមរបស់រដ្ឋ។យោងតាម Reuters និង Fox Newsការសម្រេចចិត្តខាងលើត្រូវបានធ្វើឡើងនៅថ្ងៃទី១៩ខែធ្នូដោយផ្អែកលើវិសោធនកម្មទី១៤នៃរដ្ឋធម្មនុញ្ញរបស់សហរដ្ឋអាមេរិកដែលទាក់ទងនឹងតួនាទីរបស់លោកTrumpក្នុងការវាយប្រហារលើអគាររដ្ឋសភាដោយអ្នកគាំទ្ររបស់លោកនៅក្នុងសភាអាមេរិកនៅថ្ងៃទី៦ខែមករា២០២១។
សេចក្តីសម្រេចនេះធ្វើឱ្យលោកTrumpក្លាយជាបេក្ខជនប្រធានាធិបតីដំបូងគេក្នុងប្រវត្តិសាស្ត្រអាមេរិកដែលត្រូវបានចាត់ទុកថាមិនមានសិទ្ធិសម្រាប់សេតវិមានក្រោមឃ្លាដែលកម្រប្រើក្នុងរដ្ឋធម្មនុញ្ញសហរដ្ឋអាមេរិកដែលហាមប្រាមមន្ត្រីមិនឱ្យចូលរួមក្នុងកិច្ចការសាធារណៈ។យុទ្ធនាការ របស់ លោក Trump បាន ហៅ ការ សម្រេច នេះ ថា មាន កំហុសនិង មិន ប្រជាធិបតេយ្យ ហើយ បាន និយាយ ថា នឹង ប្តឹង ឧទ្ធរណ៍។យោងតាមសារព័ត៌មាន Fox News លោក Trump អាចប្តឹងឧទ្ធរណ៍ជាមួយនឹងកាលបរិច្ឆេទផុតកំណត់នៅថ្ងៃទី ៤ខែមករាឆ្នាំ២០២៤។សេចក្តីសម្រេចខាងលើអនុវត្តតែចំពោះការបោះឆ្នោតបឋមរបស់គណបក្សសាធារណរដ្ឋដែលធ្វើឡើងនៅថ្ងៃទី៥ខែមីនា ឆ្នាំ ២០២៤ក្នុងរដ្ឋColorado។ប៉ុន្តែលទ្ធផលរបស់វាអាចប៉ះពាល់ដល់តំណែងរបស់លោក Trump ក្នុងការបោះឆ្នោតសកលនៅឆ្នាំក្រោយនៅថ្ងៃទី៥ ខែវិច្ឆិកាឆ្នាំ២០២៤។អ្នកព្យាករណ៍ការបោះឆ្នោតដែលមិនប្រកាន់បក្សពួកចាត់ទុករដ្ឋColoradoជារដ្ឋដែលមានសុវត្ថិភាពសម្រាប់គណបក្សប្រជាធិបតេយ្យ ដែលមានន័យថាប្រធានាធិបតី Joe Biden នឹងឈ្នះការបោះឆ្នោតរបស់រដ្ឋដោយមិនគិតពីជោគវាសនារបស់លោក Trumpឡើយ។សេចក្តីសម្រេចនេះត្រូវបានចេញបន្ទាប់ពីក្រុមCitizens for Responsibility and Ethics នៅទីក្រុង Washington បានដាក់ពាក្យបណ្តឹងនៅតុលាការរដ្ឋ Colorado ក្នុងខែកញ្ញា ដោយលើកហេតុផលថាអតីតប្រធានាធិបតីTrumpមិនមានសិទ្ធិឈរឈ្មោះសម្រាប់តំណែងក្រោមផ្នែកទី៣ដែលជាវិសោធនកម្មលើកទី១៤នៃរដ្ឋធម្មនុញ្ញសហរដ្ឋអាមេរិក។ ក្រុមនេះលើកឡើងថា លោក Trump គួរតែត្រូវបានគេដកចេញពីការប្រជែងតំណែងសម្រាប់សេតវិមាន ដោយសារតែគាត់បានញុះញង់អ្នកគាំទ្ររបស់លោកឱ្យវាយប្រហារអគារកាពីតូល ដើម្បីរារាំងការផ្ទេរអំណាចប្រធានាធិបតីទៅឱ្យលោក Biden បន្ទាប់ពីការបោះឆ្នោតឆ្នាំ២០២០៕

មេធាវីរបស់លោក Trump បានអះអាងថា កុប្បកម្មនៅថ្ងៃទី 6 ខែមករា ឆ្នាំ 2020 មិនធ្ងន់ធ្ងរគ្រប់គ្រាន់ដើម្បីចាត់ទុកថាជាការបះបោរទេ ហើយថាសេចក្តីថ្លែងការណ៍របស់លោក Trump ទៅកាន់អ្នកគាំទ្ររបស់គាត់ត្រូវបានការពារក្រោមសេរីភាពនៃការបញ្ចេញមតិ។ មេធាវី បាន អះអាង ថា តុលាការ មិន មាន សិទ្ធិ អំណាច ដក ឈ្មោះ លោក Trump ចេញ ពី សន្លឹក ឆ្នោត នោះ ទេ៕