អធិរាជនៃប្រទេសគុយវ៉ែតបានទទួលមរណភាពហើយត្រូវបានស្នងរាជ្យបន្តដោយព្រះអង្គម្ចាស់Meshalព្រះជន្ម៨៣ឆ្នាំ

ព្រះអង្គនៃប្រទេសគុយវ៉ែត Nawaf al-Ahmad al-Sabah បានទទួលមរណភាពនៅថ្ងៃទី ១៦ ខែធ្នូ ក្នុងជន្មាយុ ៨៦ ឆ្នាំ បន្ទាប់ពីកាន់អំណាចបានជាង៣ឆ្នាំ។ មូលហេតុ នៃ ការ ស្លាប់ របស់ ព្រះអង្គ នៅ មិន ទាន់ ត្រូវ បាន គេ ដឹង នៅ ឡើយ ទេ។យោងតាមទីភ្នាក់ងារសារព័ត៌មាន Reuters និងប្រព័ន្ធផ្សព្វផ្សាយជាតិគុយវ៉ែតព្រះអង្គNawaf al-Ahmad al-Sabah ត្រូវបានបញ្ជូនទៅមន្ទីរពេទ្យកាលពីចុងខែមុន ដោយសារបញ្ហាសុខភាពបន្ទាន់។ព្រះអង្គម្ចាស់ Sheikh Meshal al-Ahmad al-Sabah ព្រះជន្ម ៨៣ ព្រះវស្សា ត្រូវបានតែងតាំងជាអ្នកស្នងរាជ្យ។តាមពិតទៅ ព្រះអង្គម្ចាស់គ្រងរាជ្យរបស់គុយវ៉ែតតាំងពីឆ្នាំ២០២១ នៅពេលដែលអធិរាជNawafបានប្រគល់ភារកិច្ចភាគច្រើនដល់ទ្រង់ដោយសារតែសុខភាពមិនល្អ។ប្រទេសគុយវ៉ែតបានប្រកាសកាន់ទុក្ខរយៈពេល៤០ថ្ងៃ និងបិទស្ថាប័នផ្លូវការរយៈពេល៣ថ្ងៃ។ មេដឹកនាំ ទាំង អស់ បាន សម្តែង ការ ចូលរួម រំលែក ទុក្ខ ចំពោះ ព្រះចៅអធិរាជ ដែល បាន សោយ ទិវង្គត់និង ផ្ញើ សារ រំលែក ទុក្ខ ដល់ អ្នក ស្នង តំណែង របស់ ព្រះអង្គ គ្រួសារ រាជវង្ស Al Sabah និង ប្រជាជន កូវ៉ែត។ប្រធានាធិបតីសហរដ្ឋអាមេរិក Joe Biden បានពណ៌នាលោក Sheikh Nawaf ថាជា “ដៃគូដ៏មានតម្លៃ និងជាមិត្តពិតរបស់អាមេរិក”។ មេដឹកនាំរូបនេះបានសន្យាថានឹងបន្តពង្រឹងទំនាក់ទំនងយូរអង្វែងរវាងប្រទេសទាំង២។លោក Sheikh Nawaf បានក្លាយជាព្រះអង្គនៃប្រទេសគុយវ៉ែតក្នុងខែកញ្ញាឆ្នាំ២០២០បន្ទាប់ពីបងប្រុសរបស់ព្រះអង្គ Sheikh Sabah បានទទួលមរណភាព។ ព្រះអង្គត្រូវបានអ្នកការទូតមើលឃើញថាជាអ្នកបង្កើតការយល់ស្រប បើទោះបីជារជ្ជកាលរបស់ព្រះអង្គត្រូវបានសម្គាល់ដោយការខ្វែងគំនិតគ្នារវាងរដ្ឋាភិបាលនិងសភាក៏ដោយ។ប្រទេសគុយវ៉ែតជាប្រទេសដែលមានទុនបម្រុងប្រេងធំជាងគេទី៧របស់ពិភពលោកមានព្រំប្រទល់ជាប់ប្រទេសអារ៉ាប៊ីសាអូឌីត និងអ៊ីរ៉ាក់ ដែលមានទីតាំងនៅទល់មុខប្រទេសអ៊ីរ៉ង់ ក្នុងឈូងសមុទ្រ។ចាប់តាំងពីឡើងកាន់អំណាចក្នុងឆ្នាំ២០២០ លោក SheikhNawafបានរក្សាគោលនយោបាយការបរទេសសំដៅធ្វើឱ្យមានតុល្យភាពទំនាក់ទំនងជាមួយប្រទេសជិតខាង។យោងតាមរដ្ឋធម្មនុញ្ញរបស់ប្រទេសគុយវ៉ែត ព្រះអង្គម្ចាស់គ្រងរាជ្យ ក្លាយជាអធិរាជដោយស្វ័យប្រវត្តិ ។ប៉ុន្តែបានត្រឹមតែកាន់អំណាចបន្ទាប់ពីការស្បថក្នុងសភា។ អធិរាជថ្មីមានរយៈពេល១ឆ្នាំដើម្បីជ្រើសរើសអ្នកស្នង៕