ក្នុងឱកាសជួបសំណេះសំណាលជា មួយប្រជាពលរដ្ឋនៅតំបន់រុនតាឯក នាព្រឹកថ្ងៃទី៨ធ្នូនេះសម្តេចធិបតីហ៊ុន ម៉ាណែតនាយករដ្ឋមន្រ្តីកម្ពុជា បានប្រកាស“តំបន់រុនតាឯក”ជាទីក្រុងថ្មីនិងជាទីក្រុងគំរូមួយនៅខេត្តសៀមរាប។សម្តេចធិបតីហ៊ុនម៉ាណែតបានលើកឡើងថា“ខ្ញុំឃើញប្លង់ដំបូងមានការភ្ញាក់ផ្អើលព្រោះប្លង់បែបនេះបើនៅស្រុកគេគឺលំដាប់Resortផ្កាយ៥អញ្ចឹងរៀបចំនៅទីនេះឲ្យបានស្អាតនិងជាទីក្រុងគំរូតែម្តង”។សម្តេចបន្តថា “ឥឡូវមានដីមានដើមឈើនិងបន្តិចទៀតមានផ្ទះបណ្តើរៗដែលផ្ទះនឹងរីកបន្តិចម្តងៗ។ជាទីក្រុងកើតក្រោយគេនៅខេត្តសៀមរាបតែហេដ្ឋារចនាសម្ព័ន្ឋមិនចាញ់គេនោះទេ”។នេះបើតាមបញ្ជាក់ឲ្យដឹងពីសម្តេចធិបតី។
សម្តេចហ៊ុនម៉ាណែតបានគូសបញ្ជាក់ថាសមិទ្ធផលទាំងនេះបានបង្ហាញយ៉ាងច្បាស់ពីការយកចិត្តទុកដាក់ពីរាជរដ្ឋាភិបាលអាណត្តិមុននិងត្រូវបានពូនជ្រុំបន្តទៀតដោយរាជរដ្ឋាភិបាលអាណត្តិថ្មី ក្រោមការដឹកនាំដ៏ ឈ្លាសវៃ ប្រកបដោយចក្ខុវិស័យវែងឆ្ងាយរបស់សម្តេចនាយករដ្ឋមន្ត្រីដែលនឹងធ្វើឱ្យតំបន់អភិវឌ្ឍន៍ថ្មីនេះ ក្លាយជាសមិទ្ធផលជាប្រវត្តិសាស្ត្រ និង ជាមរតកដ៏ថ្លៃថ្លា ហើយនឹងក្លាយជាបុរីជនបទគំរូដែលប្រជាពលរដ្ឋអាចទទួលបានសិទ្ធិលើកម្មសិទ្ធិដីធ្លីស្របច្បាប់ មានឱកាសសេដ្ឋកិច្ចច្រើន ជាងមុន និងជីវភាពរស់នៅល្អប្រសើរជាងមុន៕
