ប្រទេសកូរ៉េខាងជើងបានអំពាវនាវឱ្យប្រជាជនឡើងភ្នំPaektuក្នុងរដូវរងារតាមគំរូរបស់មេដឹកនាំ Kim Jong Un ដើម្បីយល់កាន់តែច្បាស់អំពី “ស្មារតីបដិវត្តន៍”។យោងតាម Yonhap កាលពីថ្ងៃទី៨ខែធ្នូ ប្រព័ន្ធផ្សព្វផ្សាយកូរ៉េខាងជើងបានអំពាវនាវឱ្យប្រជាជនឡើងភ្នំPaektu ក្នុងរដូវរងាដើម្បីយល់កាន់តែច្បាស់អំពី”ស្មារតីបដិវត្តន៍” ។កាសែត RodongSinmunបាននិយាយថាមនុស្សប្រហែល១២០,០០០នាក់មកពីជាង២,០០០អង្គការផ្សេងៗគ្នាបានឡើងភ្នំPaektu តាមគំរូដែលលោក Kim Jong Un ក្នុងឆ្នាំ២០១៩។
សម្រាប់ប្រជាជនកូរ៉េខាងជើង ភ្នំ Paektu គឺជាភ្នំ “ពិសិដ្ឋ” ដែលត្រូវបានចាត់ទុកថាជាកន្លែងដែលមេដឹកនាំចុងក្រោយលោក Kim Jong-il បានកើត។ ភ្នំPaektu និង សេះសគឺជា និមិត្តសញ្ញា ដែល ទាក់ទង នឹង អំណាច ដឹកនាំ របស់ គ្រួសារ លោកKim។ មេដឹកនាំកូរ៉េខាងជើងតែងតែមកលេងភ្នំនេះមុនពេលព្រឹត្តិការណ៍សំខាន់ៗ ឬរៀបចំការសម្រេចចិត្តសំខាន់ៗ។ក្នុងឆ្នាំ២០១៧លោក Kim បានទៅទស្សនាភ្នំPaektuបន្ទាប់ពីទីក្រុងព្យុងយ៉ាងបានបាញ់បង្ហោះមីស៊ីលឆ្លងទ្វីបHwasong17ហើយនៅឆ្នាំ២០១៨មេដឹកនាំកូរ៉េខាងជើងបានត្រឡប់ទៅភ្នំ Paektu ជាមួយអតីតប្រធានាធិបតីកូរ៉េខាងត្បូងលោក Moon Jae-in ។ ដំណើរ ទស្សនកិច្ច ជា ប្រវត្តិសាស្ត្រ របស់ ប្រធានាធិបតី កូរ៉េខាងត្បូង នៅពេល នោះ បាន សម្រាល ស្ថានការណ៍ តានតឹង នៅ ឧបទ្វីប កូរ៉េ។
លើកចុងក្រោយដែលលោក Kimបានទៅភ្នំ Paektu គឺនៅក្នុងខែធ្នូ ឆ្នាំ ២០១៩មុនពេលថ្ងៃផុតកំណត់ចុងឆ្នាំដែលទីក្រុងព្យុងយ៉ាងបានកំណត់ឱ្យទីក្រុងវ៉ាស៊ីនតោន ធ្វើសំណើថ្មីសម្រាប់ការចរចាលុបបំបាត់នុយក្លេអ៊ែរ។ កន្លងមក លោក Kimនិងអតីតប្រធានាធិបតីអាមេរិក លោកDonald Trumpមានជំនួបចំនួន៣ដើម្បីដោះស្រាយបញ្ហានុយក្លេអ៊ែរនៅឧបទ្វីបកូរ៉េ ។ប៉ុន្តែអ្វីៗទាំងអស់នៅតែជាប់គាំង៕
