ព្រឹទ្ធសភាអាមេរិកបានបិទកញ្ចាប់ចំណាយបន្ទាន់មួយដើម្បីផ្តល់ជំនួយសន្តិសុខបន្ថែមដល់អ៊ុយក្រែននិងអ៊ីស្រាអែលរាប់ពាន់លានដុល្លារ ដោយសារតែភាពចម្រូងចម្រាសទាក់ទងនឹងការគ្រប់គ្រងជនចំណាកស្រុកឆ្លងកាត់ព្រំដែន។ដោយមានសំឡេងគាំទ្រចំនួន៤៩និង៥១សំឡេងប្រឆាំងនៅក្នុងការបោះឆ្នោតនៅក្នុងព្រឹទ្ធសភាសហរដ្ឋអាមេរិកកាលពីថ្ងៃទី៦ខែធ្នូ កញ្ចប់ចំណាយបន្ទាន់ដែលមានតម្លៃ១១០.៥ពាន់លានដុល្លារមិនបានឆ្លងកាត់ “ច្រកផ្លូវ”នៃស្ថាប័ននីតិប្បញ្ញត្តិនេះទេ។ ការវិវឌ្ឍន៍បានគំរាមកំហែងដល់កិច្ចខិតខំប្រឹងប្រែងរបស់ប្រធានាធិបតី Joe Bidenក្នុងការជំរុញជំនួយសន្តិសុខរបស់ទីក្រុងវ៉ាស៊ីនតោនដល់ប្រទេសសម្ព័ន្ធមិត្តមុនដំណាច់ឆ្នាំ២០២៣។យោងតាមទីភ្នាក់ងារសារព័ត៌មាន Reuters សេចក្តីព្រាងច្បាប់ដែលស្នើឡើងដោយសេតវិមានមានគោលបំណងផ្តល់ជំនួយសន្តិសុខថ្មីចំនួន៥០ពាន់លានដុល្លារដល់អ៊ុយក្រែនប្រាក់ជំនួយមនុស្សធម៌និងសេដ្ឋកិច្ចសម្រាប់រដ្ឋាភិបាលនៅទីក្រុងគៀវក៏ដូចជា១៤ ពាន់លានដុល្លារដើម្បីជួយដល់អ៊ីស្រាអែលក្នុងយុទ្ធនាការយោធាប្រឆាំង ចលនា ហាម៉ាស់ អ៊ីស្លាម នៅ តំបន់ ហ្គាហ្សា។ដើម្បីអនុម័តច្បាប់នេះត្រូវការសំឡេងគាំទ្រយ៉ាងតិច៦០ ពីសមាជិកព្រឹទ្ធសភាសរុបចំនួន១០០នាក់។ ទោះ ជា យ៉ាង ណា សមាជិក ព្រឹទ្ធសភា គណបក្ស សាធារណរដ្ឋ នីមួយៗ បាន
បោះឆ្នោត ប្រឆាំង ។ ព្រឹទ្ធសមាជិកBernieSandersដែលជាសមាជិកសភាឯករាជ្យដែលជាធម្មតាបោះឆ្នោតជាមួយគណបក្សប្រជាធិបតេយ្យនៅពេលនេះបានចូលខាងគណបក្សសាធារណរដ្ឋបន្ទាប់ពីបានសម្តែងការព្រួយបារម្ភអំពីការផ្តល់មូលនិធិដល់”គោលនយោបាយយោធាបច្ចុប្បន្ន”របស់អ៊ីស្រាអែលប្រឆាំងនឹងប៉ាឡេស្ទីន។លោកChuckSchumerមេដឹកនាំភាគច្រើននៃគណបក្សប្រជាធិបតេយ្យរបស់ព្រឹទ្ធសភាក៏បានបោះឆ្នោតមិនគាំទ្រផងដែរ។ដូច្នេះលោកអាចដាក់បញ្ចូលឡើងវិញនូវច្បាប់ចំណាយគ្រាអាសន្នម្តងទៀតនាពេលអនាគត។ បន្ទាប់ពីការបោះឆ្នោត លោក Schumer បានកត់សម្គាល់ពីហានិភ័យ
ប្រសិនបើអ៊ុយក្រែនបរាជ័យក្នុងជម្លោះរបស់ខ្លួនជាមួយរុស្ស៊ី។កាសែត The Hillបាននិយាយថាគណបក្សសាធារណរដ្ឋនៅក្នុងសភាអាមេរិកកំពុងស្វែងរកការភ្ជាប់ការអនុម័តជំនួយយោធាបរទេសទៅនឹងការគ្រប់គ្រងព្រំដែនដ៏តឹងរ៉ឹងនិងគោលនយោបាយការធ្វើចំណាកស្រុកនៅក្នុងតំបន់ភាគខាងត្បូងនៃប្រទេសជាប់ព្រំដែនសហរដ្ឋអាមេរិកម៉ិកស៊ិក។ទោះ បី ច្បាប់ នេះ ឆ្លង ផុត ព្រឹទ្ធសភា ក៏ ដោយ ក៏ វា នៅ តែ ត្រូវ ការ អនុម័ត ពី សភា។ ទន្ទឹមនឹងនោះ សមាជិកសភាសាធារណៈរដ្ឋរាប់សិបនាក់ រួមទាំងប្រធានសភា Mike Johnson បានបោះឆ្នោតប្រឆាំងនឹងការផ្តល់ជំនួយដល់អ៊ុយក្រែន៕
