ណាតូមិនបានដាក់សម្ពាធអ៊ុយក្រែនឱ្យចរចាជាមួយរុស្ស៊ីទេម៉ូស្គូបានបង្កើនការវាយប្រហាររបស់ខ្លួន
អគ្គលេខាធិការនៃអង្គការសន្ធិសញ្ញាអាត្លង់ទិកខាងជើង(NATO)លោក JensStoltenbergបាននិយាយថាប្រទេសសមាជិកណាតូមិនដាក់សម្ពាធលើអ៊ុយក្រែនឱ្យចរចាសន្តិភាពជាមួយរុស្ស៊ីទេ។
យោងតាមTASSនៅពេលសួរដោយសារព័ត៌មានថាតើប្រទេសណាតូកំពុងជំរុញអ៊ុយក្រែនឆ្ពោះទៅរកការចរចាលោក Stoltenberg បាននិយាយថា «ទេ»។ សារនោះគឺថា យើងត្រូវតែផ្តល់ជំនួយយោធាដល់អ៊ុយក្រែន ព្រោះនោះជាផ្លូវទៅកាន់សន្តិភាព។ យើងដឹងថាអ៊ុយក្រែនខ្លាំងជាងនៅក្នុងសមរភូមិជំហររបស់ខ្លួនកាន់តែធំនៅតុចរចា»។តាមលោក ប្រធានាធិបតីរុស្ស៊ីVladimir Putin មិនចាប់អារម្មណ៍ការចរចាជាមួយអ៊ុយក្រែនទេ។ អគ្គលេខាធិការអង្គការណាតូបាននិយាយថា“រហូតមកដល់ពេលនេះ យើងមិនទាន់ឃើញសញ្ញាណាមួយដែលថាប្រធានាធិបតីPutin ចង់បានដំណោះស្រាយដោយសន្តិវិធីចំពោះជម្លោះនេះទេដែលអ៊ុយក្រែនមានជារដ្ឋអធិបតេយ្យនិងឯករាជ្យ”។មេដឹកនាំអង្គការណាតូបាននិយាយថា លោកខាងលិចចាំបាច់ត្រូវបង្ហាញរុស្ស៊ីថាខ្លួនមិនអាចឈ្នះនៅលើសមរភូមិ ដែលមានន័យថាសម្ព័ន្ធមិត្តនិងដៃគូត្រូវបន្តផ្តល់ជំនួយយោធាបន្ថែមទៀតដល់អ៊ុយក្រែន។អ៊ុយក្រែនបាននិយាយថារុស្ស៊ីបានបង្កើនការវាយប្រហាររបស់ខ្លួន។អ្នកនាំពាក្យយោធាអ៊ុយក្រែនលោក Oleksandr Shtupun បាននិយាយថាបរិមាណកាំភ្លើងធំនិងការវាយប្រហារតាមអាកាសរបស់រុស្ស៊ីនៅលើសមរភូមិបានកើនឡើងទ្វេដងក្នុងរយៈពេលប៉ុន្មានថ្ងៃកន្លងមកនេះ។
យោងតាមលោកការវាយប្រហារនីមួយៗមានរថពាសដែកដល់ទៅ២០គ្រឿងក្នុងគោលបំណងរុញច្រានខ្សែការពារអ៊ុយក្រែនមកវិញ។ លោក Shtupun បាននិយាយថា”នៅក្នុងកិច្ចខិតខំប្រឹងប្រែងដើម្បីទប់ទល់នឹងការវាយប្រហាររបស់រុស្ស៊ីកងកម្លាំងការពាររបស់អ៊ុយក្រែនបានបំផ្លាញរថពាសដែកយោធាមួយចំនួនធំ”។លោកបានបន្ថែមថាកងកម្លាំងរុស្ស៊ីបានព្យាយាមផ្លាស់ទីទៅភាគខាងត្បូងនៃ Zaporizhzhia ក្នុងទិសដៅនៃទីក្រុង២គឺ Robotyne (គ្រប់គ្រងដោយអ៊ុយក្រែន)និង Verbove (គ្រប់គ្រងដោយរុស្ស៊ី) ។រុស្ស៊ីមិនបានធ្វើអត្ថាធិប្បាយលើព័ត៌មានខាងលើទេ៕
