មូលនិធិជួញដូររូបិយប័ណ្ណដំបូងគេនៅអាស៊ីរបស់អារ៉ាប៊ីសាអូឌីត បង្ហាញខ្លួននៅក្នុងទីក្រុងហុងកុង

កាលពីថ្ងៃពុធមូលនិធិជួញដូររូបិយប័ណ្ណដំបូងគេរបស់អាស៊ី(ETF) តាមដានភាគហ៊ុនដែលបានចុះបញ្ជីនៅក្នុងប្រទេសអារ៉ាប៊ីសាអូឌីត បានបង្ហាញខ្លួនជាលើកដំបូងនៅក្នុងទីក្រុងហុងកុងដែលជាជំហានមួយទៀតសម្រាប់មជ្ឈមណ្ឌលហិរញ្ញវត្ថុក្នុងការពង្រឹងទំនាក់ទំនងជាមួយតំបន់មជ្ឈិមបូព៌ា។មូលនិធិETFអនុញ្ញាតឱ្យវិនិយោគិននៅទីក្រុងហុងកុងធ្វើពាណិជ្ជកម្មភាគហ៊ុនជាមួយអារ៉ាប៊ីសាអូឌីតរួមទាំងក្រុមហ៊ុនប្រេងយក្សអារ៉ាមកូសាអូឌី (SaudiAramco)គិតជាប្រាក់ដុល្លារហុងកុងឬប្រាក់យ័នរបស់ចិន។នេះបើតាមXihau។ មូលនិធិនេះត្រូវបានគ្រប់គ្រងដោយក្រុមហ៊ុនCSOP Asset Managementដែលមានមូលដ្ឋាននៅទីក្រុងហុងកុងនិងរួមបញ្ចូលមូលនិធិទ្រព្យសម្បត្តិអធិបតេយ្យរបស់ប្រទេសអារ៉ាប៊ីសាអូឌីតមូលនិធិវិនិយោគសាធារណៈ (PIF)។

លោកភូលចាន់លេខាធិការហិរញ្ញវត្ថុនៃរដ្ឋាភិបាលតំបន់រដ្ឋបាលពិសេសហុងកុងបាននិយាយថាការចាប់ផ្តើមមូលនិធិETFគឺជាព្រឹត្តិការណ៍ដ៏សំខាន់មួយនៅក្នុងកិច្ចសហប្រតិបត្តិការហិរញ្ញវត្ថុរបស់ទីក្រុងហុងកុងជាមួយប្រទេសអារ៉ាប៊ីសាអូឌីតនិងមិនចាញ់ចំណុចសំខាន់នៃការតភ្ជាប់ហិរញ្ញវត្ថុតាមគំនិតផ្តួចផ្តើមខ្សែក្រវាត់និងផ្លូវនោះទេ។លោក យ៉ាហ្សីដ អាល់ ហ៊ូមីដ អភិបាលរងនៃមូលនិធិPIFបាននិយាយថាទីក្រុងហុងកុងមានប្រព័ន្ធអេកូឡូស៊ីហិរញ្ញវត្ថុចាស់ទុំបំផុតមួយនៅក្នុងពិភពលោកហើយត្រូវបានចាត់ទុកដោយវិនិយោគិន និងក្រុមហ៊ុនជាច្រើនថា ជាច្រកផ្លូវហិរញ្ញវត្ថុ។

លោកបាននិយាយថា«នោះហើយជាមូលហេតុដែលយើងបានបង្កើតការិយាល័យរបស់យើងនៅទីនេះកាលពីខែកុម្ភៈឆ្នាំមុន ដោយយើងជឿជាក់ទៅលើសារៈសំខាន់នៃតំបន់នេះចំពោះវិស័យហិរញ្ញវត្ថុពិភពលោក»៕