ខេមប្រ៊ូវទទួលបានសិទ្ធិនាំចូលនិងចែកចាយផ្តាច់មុខនៅកម្ពុជាស្រាបៀរសិង្ហពីក្រុមហ៊ុន BOOON RAWD BREWERY CO., LTD.
ក្រសួងពាណិជ្ជកម្មកម្ពុជាបានឯកភាពកត់ត្រាទទួលស្គាល់សិទ្ធិនាំចូលនិងចែកចាយផ្តាច់មុខស្របច្បាប់លើផលិតផលស្រាបៀរដែលមានពាណិជ្ជសញ្ញា‘SINGHA’ និង ‘SINGHA RESERVE’ ពីក្រុមហ៊ុន ស្រាបៀរ BOOON RAWD BREWERY CO., LTD.។ការណ៍នេះខេមប្រ៊ូវមានសិទ្ធគឺជាអ្នកទទួលបានសិទ្ធិផ្តាច់មុខដោយស្របច្បាប់ ក្នុងការនាំចូល និងចែកចាយផលិតផលស្រាបៀរ ដែលពាក់ម៉ាកខាងលើនៅទូទាំងព្រះរាជាណាចក្រកម្ពុជា។
តាមការកត់ត្រាទទួលស្គាល់សិទ្ធិនាំចូលនិងចែកចាយផ្តាច់មុខនេះ ក្រុមហ៊ុន ខេមប្រ៊ូវ ទទួលបានសិទ្ធិនាំចូល និងចែកចាយផ្តាច់មុខស្របច្បាប់ លើផលិតផលស្រាបៀរដែលមានពាណិជ្ជសញ្ញាទាំងពីរខាងលើនេះ នៅទូទាំងប្រទេសកម្ពុជា។ បន្ថែមពីនេះ ក្រសួងពាណិជ្ជកម្មបានបញ្ជាក់ថា ក្រោយរយៈពេល ៩០ថ្ងៃ គិតចាប់ពីថ្ងៃទី១០ ខែតុលា ឆ្នាំ២០២៣ ក្រុមហ៊ុន ខេមប្រ៊ូវ មានសិទ្ធិក្នុងការប្តឹងទៅអាជ្ញាធរមានសមត្ថកិច្ចដើម្បីចាត់វិធានការទៅតាមច្បាប់ប្រសិនបើមានការបំពានសិទ្ធិផ្តាច់មុខរបស់ក្រុមហ៊ុន ដែលឈានទៅដល់ការប៉ះពាល់ដល់សកម្មភាពអាជីវកម្ម។(បើស្រវឹងកុំបើកបរ)
