សហរដ្ឋអាមេរិកបាននិយាយថារុស្ស៊ីនិងចិនបានជួយកូរ៉េខាងជើង ប៉ុន្តែវិមានក្រុងឡាំងបានបដិសេធ
អ្នកនាំពាក្យវិមានក្រឹមឡាំងលោក Dmitry Peskovបានបញ្ជាក់ថា សហរដ្ឋអាមេរិកបានធ្វើការចោទប្រកាន់ដោយគ្មានមូលដ្ឋានថារុស្ស៊ី និងចិនបានជួយកូរ៉េខាងជើង។ប្រទេសកូរ៉េខាងជើងត្រូវបានដាក់ទណ្ឌកម្មជាច្រើនពីក្រុមប្រឹក្សាសន្តិសុខអង្គការសហប្រជាជាតិដែលភាគច្រើនទាក់ទងនឹងកម្មវិធីអាវុធនុយក្លេអ៊ែររបស់ខ្លួន។តាមគំនិតរបស់អាមេរិកនិងប្រទេសលោកខាងលិចមួយចំនួនការដាក់ទណ្ឌកម្មរបស់អង្គការសហប្រជាជាតិលើកូរ៉េខាងជើងគឺគ្មានប្រសិទ្ធភាពទេ ព្រោះទីក្រុងព្យុងយ៉ាងបានរកឃើញមធ្យោបាយ “ជៀសវាងការដាក់ទណ្ឌកម្ម” ជាមួយនឹង”ជំនួយ”របស់ចិននិងរុស្ស៊ី។
លោកPeskovបាននិយាយកាលពីថ្ងៃទី១៤ខែវិច្ឆិកាថា”សេចក្តីថ្លែងការណ៍ទាំងនេះពិតជាគ្មានមូលដ្ឋានមិនត្រូវបានគាំទ្រដោយភស្តុតាងណាមួយឡើយ។ហើយសេចក្តីថ្លែងការណ៍ធ្វើឡើងមិនត្រឹមត្រូវ” លោកPeskovបាននិយាយនៅថ្ងៃទី១៤ខែវិច្ឆិកានៅពេលដែលត្រូវបានសួរអំពីសេចក្តីថ្លែងការណ៍ថ្មីៗនេះពីសហរដ្ឋអាមេរិក។
ជាក់ស្តែងនៅមុននេះបន្តិច នាថ្ងៃទី១៤ ខែវិច្ឆិកា រដ្ឋមន្ត្រីការពារជាតិអាមេរិក លោក LloydAustinបាននិយាយថាប្រទេសសមាជិកអង្គការសហប្រជាជាតិ ដែលអនុវត្តកិច្ចព្រមព្រៀងឈប់បាញ់សង្គ្រាមកូរ៉េ មានការព្រួយបារម្ភថា រុស្ស៊ី និងចិនកំពុងជួយកូរ៉េខាងជើង។យោងតាមលោក Austin ប្រទេសមួយក្រុមនេះជឿជាក់ថាទីក្រុងម៉ូស្គូនិងទីក្រុងប៉េកាំងទំនងជាបានជួយកូរ៉េខាងជើងពង្រឹងអំណាចយោធារបស់ខ្លួនដោយគេចចេញពីការដាក់ទណ្ឌកម្មរបស់អង្គការសហប្រជាជាតិ។ថ្មីៗនេះ លោក Austin បានចូលរួមកិច្ចប្រជុំជាមួយរដ្ឋមន្ត្រីការពារជាតិនៃប្រទេសចំនួន១៧ក្រោមបញ្ជាការរបស់អង្គការសហប្រជាជាតិ(UNC)ដែលជាទីភ្នាក់ងារដែលឃ្លាំមើលបទឈប់បាញ់កូរ៉េខាងជើង-កូរ៉េខាងត្បូង។នៅក្នុងកិច្ចប្រជុំខាងលើ ប្រទេសកូរ៉េខាងត្បូងនិងបណ្តាប្រទេសUNC បានចេញសារដ៏តឹងរ៉ឹងមួយប្រឆាំងនឹង”សកម្មភាពឬការវាយប្រហារ” របស់កូរ៉េខាងជើងដែលសំដៅទៅលើកូរ៉េខាងត្បូង។Reuters បានដកស្រង់សម្តីរបស់សហរដ្ឋអាមេរិកថា”យើងមានការព្រួយបារម្ភយ៉ាងខ្លាំងដែលប្រទេសចិននិងរុស្ស៊ីកំពុងជួយកូរ៉េខាងជើងឱ្យប្រសើរឡើងនូវសមត្ថភាពរបស់ខ្លួនដោយអាចជៀសវាងការដាក់ទណ្ឌកម្មពីក្រុមប្រឹក្សាសន្តិសុខអង្គការសហប្រជាជាតិ។ នេះបើតាមការបញ្ជាក់របស់រដ្ឋមន្ត្រីក្រសួងការពារជាតិអាមេរិកបានចោទប្រកាន់កូរ៉េខាងជើងថាបានផ្តល់សម្ភារៈយោធាដល់រុស្ស៊ីសម្រាប់ប្រើប្រាស់ក្នុងប្រទេសអ៊ុយក្រែន។ក្នុងពេលជាមួយគ្នានោះ ទីក្រុងវ៉ាស៊ីនតោនក៏បាននិយាយផងដែរថារុស្ស៊ីបានផ្តល់ការគាំទ្រផ្នែកបច្ចេកទេសយោធាសម្រាប់កូរ៉េខាងជើងក្នុងការអភិវឌ្ឍន៍កម្មវិធីអាវុធរបស់ខ្លួន។នាពេលថ្មីៗនេះទំនាក់ទំនងរវាងកូរ៉េខាងជើងនិងរុស្ស៊ីបានឃើញការវិវឌ្ឍន៍ជាវិជ្ជមានជាច្រើន។ជាពិសេសជំនួបរវាងមេដឹកនាំកូរ៉េខាងជើង លោក Kim Jong Un និងប្រធានាធិបតីរុស្ស៊ី លោកVladimir Putin នៅក្នុងខែកញ្ញា។
កូរ៉េខាងជើងនិងរុស្ស៊ីបានបដិសេធថាខ្លួនមិនមានកិច្ចព្រមព្រៀងសព្វាវុធជាមួយគ្នាទេ បើទោះជាមេដឹកនាំនៃប្រទេសទាំង២បានប្តេជ្ញារឹតបន្តឹងទំនាក់ទំនងការពារជាតិក៏ដោយ៕
ប្រធានាធិបតីរុស្ស៊ី លោកVladimir Putin(ឆ្វេង)និងមេដឹកនាំកូរ៉េខាងជើង លោកKim Jong Un។រូបថត៖ REUTERS
