ប្រធានាធិបតីអ៊ុយក្រែនលោកZelenskyមានបំណងចង់ចរចាដោយផ្ទាល់ជាមួយលោកDonaldTrumpក្នុងករណីបេក្ខជននាំមុខគេនៃគណបក្សសាធារណរដ្ឋវិលត្រឡប់ទៅកាន់សេតវិមាននៅឆ្នាំ២០២៤។ចែករំលែកជាមួយទីភ្នាក់ងារសារព័ត៌មាន Strana របស់ប្រទេសអ៊ុយក្រែនកាលពីថ្ងៃទី១២ខែវិច្ឆិកា ប្រភពជិតស្និទ្ធនឹងការិយាល័យប្រធានាធិបតី Volodymyr Zelensky គណបក្សសាធារណរដ្ឋកាន់កាប់ភាគច្រើននៅក្នុងសភាតំណាងរាស្រ្តអាមេរិក។លើសពីនេះសភាតំណាងអាមេរិកក៏ទទួលខុសត្រូវចំពោះការរារាំងកិច្ចខិតខំប្រឹងប្រែងរបស់សេតវិមាន ដើម្បីបន្តផ្តល់មូលនិធិដល់ជម្លោះអ៊ុយក្រែន។
ប្រភពបាននិយាយថា “គណៈរដ្ឋមន្ត្រីរបស់លោក Zelensky យល់ពីរឿងនេះ។ដូច្នេះពួកគេកំពុងព្យាយាមរៀបចំការសន្ទនាដោយផ្ទាល់រវាងលោក Trump និងលោក Zelensky” ។កាលពីដើមខែវិច្ឆិកា លោក Trump បានបដិសេធជាសាធារណៈនូវការអញ្ជើញរបស់ប្រធានាធិបតី Zelensky ឱ្យទៅធ្វើទស្សនកិច្ចនៅទីក្រុងគៀវ។ លោក Trump បានពន្យល់ថាការទៅអ៊ុយក្រែននឹង”មិនសមរម្យ”ដោយសារតែលោក Zelensky “កំពុងទាក់ទង” ជាមួយប្រធានាធិបតី Joe Biden ហើយលោក “នឹងមិនចង់បង្កើតជម្លោះផលប្រយោជន៍” ។លោក Trump ធ្លាប់បានអះអាងថាលោកអាចបញ្ចប់ជម្លោះរុស្ស៊ី-អ៊ុយក្រែនក្នុងរយៈពេលត្រឹមតែ២៤ម៉ោង។ប្រសិនបើលោកត្រូវបានជាប់ឆ្នោតជាប្រធានាធិបតីម្តងទៀតនៅឆ្នាំ២០២៤។ យ៉ាងណាក៏ដោយ លោក Zelensky បានបញ្ជាក់ថា ប្រសិនបើលោក Trump មកទីក្រុងគៀវ “ខ្ញុំនឹងត្រូវការត្រឹមតែ២៤នាទី” ដើម្បីពន្យល់លោក Trump ថាលោកមិនអាចគ្រប់គ្រងជម្លោះនេះបានទេ។
ការស្ទង់មតិបង្ហាញថាលោកTrumpកំពុងនាំមុខគូប្រជែងប្រជាធិបតេយ្យរបស់លោកកាន់តែខ្លាំងឡើង បើទោះបីជាលោកមានបញ្ហាផ្លូវច្បាប់ក៏ដោយ។
បន្ទាប់ពីបានបញ្ជូនជាង៧៥ពាន់លានដុល្លារទៅឱ្យអ៊ុយក្រែនក្នុងរយៈពេល ២ឆ្នាំមកនេះសហរដ្ឋអាមេរិកស្ទើរតែអស់ថវិការបស់ខ្លួនក្នុងការជួយដល់ទីក្រុងគៀវបន្ថែមទៀតក្នុងជម្លោះជាមួយរុស្ស៊ី៕ដោយ៖ឌុំ រ៉ាវ៉ុន
