ប្រធានាធិបតីរុស្ស៊ី លោក Vladimir Putinបានចុះហត្ថលេខាលើក្រឹត្យមួយ ដែលអនុញ្ញាតឱ្យវិនិយោគិនបរទេសដែលមានដើមទុនបង្កកក្នុងប្រទេសរុស្ស៊ី ប្រើប្រាស់ពួកគេដើម្បីទិញទ្រព្យសម្បត្តិដែលបង្កករបស់ជនជាតិរុស្ស៊ីនៅបរទេស។យោងតាមReutersក្រឹត្យខាងលើត្រូវបានចុះហត្ថលេខានៅថ្ងៃទី៨ខែវិច្ឆិកាហើយចូលជាធរមានភ្លាមៗ។ដោយសារតែទណ្ឌកម្មដែលដាក់ដោយលោកខាងលិចមកលើប្រទេសរុស្ស៊ីប្រជាជនរុស្ស៊ីជាង៣.៥លាននាក់មានទ្រព្យសម្បត្តិប្រហែល១.៥ ពាន់ពាន់លានរូប្លិ៍ (១៦.៣ពាន់លានដុល្លារ) ត្រូវបានបង្កកនៅបរទេស។យោងតាមក្រឹត្យនេះប្រទេសរុស្ស៊ីនឹងអនុញ្ញាតឱ្យពលរដ្ឋនៃប្រទេសដែលខ្លួនចាត់ទុកថាមិនរាក់ទាក់ក្នុងការទិញមូលបត្របរទេសដែលត្រូវបានរារាំងរបស់ជនជាតិរុស្ស៊ីដោយប្រើមូលនិធិរបស់ពួកគេពីគណនីប្រភេទ”C”។លក្ខខណ្ឌសម្រាប់ការធ្វើប្រតិបត្តិការដែលពាក់ព័ន្ធនឹងត្រូវគ្រប់គ្រងដោយគណៈកម្មាធិការត្រួតពិនិត្យការវិនិយោគបរទេសរបស់រដ្ឋាភិបាលរុស្ស៊ី។ ការចូលរួមនៅក្នុងដំណើរការនេះគឺស្ម័គ្រចិត្ត។ នៅក្នុងដំណាក់កាលដំបូងប្រទេសរុស្ស៊ីត្រូវបានគេរំពឹងថានឹងបិទគណនីដែលមានតម្លៃប្រហែល១០០ពាន់លានរូបិ៍្ល។ខ្លឹមសារនៃក្រឹត្យនេះបានបញ្ជាក់យ៉ាងច្បាស់ថាវាត្រូវបានចេញជាការឆ្លើយតបទៅនឹងសកម្មភាពរបស់សហរដ្ឋអាមេរិក ក៏ដូចជាប្រទេស និងអង្គការដទៃទៀតដែលរុស្ស៊ីហៅថា “មិនរាក់ទាក់និងមិនស្របតាមច្បាប់អន្តរជាតិ”៕
