តើនឹងមានអ្វីកើតឡើងចំពោះពាណិជ្ជកម្មរវាងអាមេរិកនិងចិនជាមួយនឹងពន្ធរហូតដល់១៤៥%?
ព្រឹត្តិការណ៍៖លោកTrumpបើកការវាយប្រហារពន្ធលើពិភពលោកទាំងមូល
សេដ្ឋវិទូEricaYorkបាននិយាយថាពន្ធសរុប១៤៥%ដែលដាក់ដោយប្រធានាធិបតីអាមេរិកDonaldTrumpលើទំនិញរបស់ចិននឹងធ្វើឱ្យពាណិជ្ជកម្មភាគច្រើនរវាងប្រទេសទាំងពីរត្រូវបានលុបចោល។
CNBCបានដកស្រង់សម្តីលោកស្រីYorkអនុប្រធានគោលនយោបាយសហព័ន្ធនៅឯមូលនិធិពន្ធដែលមានមូលដ្ឋាននៅទីក្រុងវ៉ាស៊ីនតោនឌីស៊ីនៅថ្ងៃទី១០ខែមេសាដោយនិយាយថាការផ្លាស់ប្តូរនាពេលថ្មីៗនេះរបស់ប្រធានាធិបតីអាមេរិក DonaldTrumpក្នុងការដាក់ពន្ធលើការនាំចូលពីប្រទេសចិន”នឹងធ្វើឱ្យប្រទេសដែលមានប្រជាជនរាប់ពាន់លាននាក់បញ្ចប់ពាណិជ្ជកម្មភាគច្រើនជាមួយទីក្រុងវ៉ាស៊ីនតោន”។លោកស្រីYorkបាននិយាយថា “វាអាស្រ័យលើរបៀបដែលពន្ធត្រូវបានអនុវត្តនិងថាតើពួកគេត្រូវបានអនុវត្តកម្រិតណា។ប៉ុន្តែជាទូទៅប្រសិនបើអ្នកមានពន្ធ៣ខ្ទង់ ពាណិជ្ជកម្មភាគច្រើននឹងឈប់”។ប្រហែលជានៅតែមានរឿងមួយចំនួនដែល”មិនមានអ្វីជំនួសហើយក្រុមហ៊ុននឹងត្រូវចំណាយសម្រាប់ពួកគេ”។ប៉ុន្តែពាណិជ្ជកម្មរួមនឹងនៅតែត្រូវបានរំខាន។នេះបើយោងតាមលោកស្រី York។ស្ថានីយ៍ទូរទស្សន៍CNBCបាននិយាយថាការអត្ថាធិប្បាយរបស់លោកស្រីYorkត្រូវបានធ្វើឡើងតែប៉ុន្មានម៉ោងប៉ុណ្ណោះបន្ទាប់ពីមន្ត្រីសេតវិមានបានបញ្ជាក់ថាពន្ធសរុបរបស់សហរដ្ឋអាមេរិកលើការនាំចូលពីប្រទេសចិនឥឡូវនេះគឺមានចំនួន១៤៥% ។ ពន្ធសរុបរួមមានពន្ធ២០% លើ fentanyl ដែល Trump បានដាក់ពីមុនមកលើប្រទេសចិន និងការដំឡើងពន្ធពី៨៤%ទៅ១២៥%ដែលចៅហ្វាយសេតវិមានបានចុះហត្ថលេខាលើច្បាប់នៅក្នុងលំដាប់ប្រតិបត្តិនាពេលថ្មីៗនេះ។
ជ្រុងមួយនៃកំពង់ផែShandongក្នុងប្រទេសចិន។ រូបថត៖ Al Jazeera
នៅក្នុងការិវឌ្ឍន៍មួយទៀត អ្នកនាំពាក្យក្រសួងពាណិជ្ជកម្មចិន លោកស្រីHe Yongqian នៅមុននេះបន្តិចនាថ្ងៃទី១០ ខែមេសា បានបញ្ជាក់ថា ជំហររបស់ទីក្រុងប៉េកាំងគឺស្របប្រសិនបើអាមេរិកចង់ចរចា ទ្វារតែងតែបើកចំហ។លោកស្រី He បានសង្កត់ធ្ងន់ថា “យើងសង្ឃឹមថា សហរដ្ឋអាមេរិកនិងចិននឹងដោះស្រាយការខ្វែងគំនិតរបស់ពួកគេឱ្យបានត្រឹមត្រូវតាមរយៈការសន្ទនានិងការពិគ្រោះយោបល់ដោយឈរលើគោលការណ៍នៃការគោរពគ្នាទៅវិញទៅមក ការរួមរស់ដោយសន្តិភាព និងកិច្ចសហប្រតិបត្តិការដែលមានផលប្រយោជន៍ទៅវិញទៅមក”៕ស៊ីត
