ឯកឧត្តមឧត្តមសេនីយ៍ទោភឺន ផល្លាអញ្ជើញចូលរួមកម្មវិធីតាមគន្លងប្រពៃណីព្រះពុទ្ធសាសនាដ៏ផូរផង់
ឯកឧត្តមឧត្តមសេនីយ៍ទោភឺនផល្លាអញ្ជើញចូលរួមកម្មវិធីតាមគន្លងប្រពៃណីព្រះពុទ្ធសាសនាដ៏ផូរផង់ដោយមានការបូជាទៀនធូប ផ្កាភ្ញី គ្រឿងសក្ការៈនានា ថ្វាយព្រះរតនត្រៃ និងបាននិមន្តព្រះសង្ឃ ដើម្បីចម្រើនព្រះបរិត្ត ស្វាធ្យាយជយន្តោ ពុទ្ធជ័យមង្គលជាកិច្ចជូន ដំណើរឆ្នាំចាស់ និងទទួលអំណរសាទរឆ្នាំថ្មី ។ជាពិសេសត្រៀមទទួលស្វាគមន៍ដំណើរយាងមកថែរក្សាមនុស្សលោករបស់ទេវធីតាឆ្នាំថ្មី ដែលព្រះអង្គនឹងយាងចុះមកនៅថ្ងៃចន្ទ ២រោច ខែចេត្រ ឆ្នាំម្សាញ់ សប្តស័ក ព.ស ២៥៦៨ត្រូវនឹងថ្ងៃទី១៤ ខែមេសា ឆ្នាំ២០២៥ វេលាម៉ោង ០៤:៤៨ នាទីទៀបភ្លឺ។
នៅក្នុងពិធីនេះដែរ លោកមេបញ្ជាការកងពលបានប្រគេននូវទេយ្យវត្ថុ និងបវារណាចតុបច្ច័យថ្វាយចំពោះព្រះសង្ឃគ្រប់អង្គជាកិច្ចបំពេញកុសល និងបួងសួងសុំសេចក្តីសុខចម្រើន ជោគជ័យលើគ្រប់កិច្ចការងារ សូមកើតមានចំពោះយោធិនកងពលតូចលេខ៧០ ក៏ដូចជាប្រជាពលរដ្ឋខ្មែរគ្រប់ៗរូប ចាប់តាំងពីឆ្នាំថ្មីចូលមកដល់ និងជានិច្ចនិរន្តរ៍តរៀងទៅ៕ឌុំសាវ៉ុន
