អាមេរិកបន្តជំនួយយោធាវិញតើសព្វាវុធអ្វីខ្លះកំពុងធ្វើដំណើរទៅកាន់អ៊ុយក្រែន?
មន្ត្រីអាមេរិកបាននិយាយថាប្រទេសនេះបានបន្តការចែករំលែកព័ត៌មានសម្ងាត់ឡើងវិញទាំងស្រុងហើយអាវុធរបស់អាមេរិកក៏ត្រូវបានបញ្ជូនទៅកាន់អ៊ុយក្រែនផងដែរ។
យោងតាមCNNមន្ត្រីអាមេរិកដែលមិនបញ្ចេញឈ្មោះបាននិយាយថាការផ្លាស់ប្តូរនេះបានកើតឡើងបន្ទាប់ពីកិច្ចប្រជុំរវាងតំណាងអាមេរិកនិងអ៊ុយក្រែននៅប្រទេសអារ៉ាប៊ីសាអូឌីតកាលពីថ្ងៃទី១១ខែមីនា។សេចក្តីថ្លែងការណ៍រួមមួយបន្ទាប់ពីព្រឹត្តិការណ៍នេះបាននិយាយថាអ៊ុយក្រែនបានទទួលយកសំណើរបស់សហរដ្ឋអាមេរិកសម្រាប់បទឈប់បាញ់រយៈពេល៣០ថ្ងៃខណៈដែលក្រុងវ៉ាស៊ីនតោនបានបន្តការគាំទ្រផ្នែកយោធានិងការចែករំលែកព័ត៌មានសម្ងាត់ជាមួយក្រុងគៀវ។
មន្ត្រីអាមេរិកបានបង្ហើបឱ្យដឹងថា គ្រាប់កាំភ្លើងធំ អាវុធប្រឆាំងរថក្រោះ និងគ្រាប់រំសេវសម្រាប់ប្រព័ន្ធកាំភ្លើងធំHIMARSចល័តខ្ពស់កំពុងត្រូវបានដឹកជញ្ជូនទៅកាន់ប្រទេសអ៊ុយក្រែន។នេះគឺជាផ្នែកមួយនៃកញ្ចប់ជំនួយយោធាដែលត្រូវបានអនុម័តដោយរដ្ឋបាលរបស់អតីតប្រធានាធិបតីJoe Biden។ការផ្ទេរអាវុធនេះត្រូវបានបញ្ឈប់បន្ទាប់ពីមានសង្រ្គាមពាក្យសម្តីនៅសេតវិមានរវាងប្រធានាធិបតីអាមេរិកលោក Donald Trump និងអនុប្រធានាធិបតី J.D. Vance និងប្រធានាធិបតីអ៊ុយក្រែនលោក VolodomyrZelenskyកាលពីចុងខែកុម្ភៈអាវុធខ្លះត្រូវបានរក្សាទុកក្នុងប្រទេសប៉ូឡូញ មុនពេលនាំយកចូលទៅក្នុងប្រទេសអ៊ុយក្រែន។
ប្រព័ន្ធ HIMARS។ រូបថត៖ កងទ័ពអាមេរិក
នៅយប់ថ្ងៃទី១១ខែមីនា ការចែករំលែកនៅលើប្រព័ន្ធផ្សព្វផ្សាយសង្គម អនុរដ្ឋមន្ត្រីក្រសួងការពារជាតិប៉ូឡូញ លោក Pawel Zalewski បាននិយាយថា អាវុធដែលរក្សាទុកនៅក្នុងទីក្រុង Rzeszow ក្បែរព្រំដែនអ៊ុយក្រែនក៏បានចាប់ផ្តើមផ្ទេរផងដែរ។មន្ត្រីរូបនេះបានបន្ថែមថាអ្នកម៉ៅការរបស់សហរដ្ឋអាមេរិកដែលធ្វើការក្នុងប្រទេសអ៊ុយក្រែនដើម្បីថែទាំបណ្តុះបណ្តាលនិងគាំទ្រប្រព័ន្ធសព្វាវុធទំនើបៗបានបន្តការងារឡើងវិញ។ទោះបីជាយ៉ាងណាក៏ដោយ វាមិនច្បាស់ទេថា តើមនុស្សទាំងនេះបានចាកចេញពីអ៊ុយក្រែននៅពេលដែលសហរដ្ឋអាមេរិកសម្រេចចិត្តបញ្ឈប់ជំនួយយោធាឬថាតើពួកគេនៅតែស្ថិតនៅក្នុងអ៊ុយក្រែនតាំងពីពេលនោះមក៕ឌុំសាវ៉ុន
