Trumpឆ្លើយតបទៅនឹងការប្រកាសរបស់ប្រធានាធិបតីអ៊ុយក្រែនអំពីកិច្ចព្រមព្រៀងសន្តិភាព
ប្រធានាធិបតីអាមេរិកលោកDonaldTrumpបានចោទប្រកាន់ប្រធានាធិបតីអ៊ុយក្រែនZelenskyថាមិនចង់បានសន្តិភាពជាមួយរុស្ស៊ីនិងប្រើប្រាស់ការគាំទ្ររបស់ទីក្រុងវ៉ាស៊ីនតោនដើម្បីផលប្រយោជន៍ផ្ទាល់ខ្លួនរបស់លោក។ប្រធានាធិបតីអាមេរិកនិងអ៊ុយក្រែនបានផ្លាស់ប្តូរពាក្យសម្តីយ៉ាងក្តៅគគុកនៅសេតវិមានកាលពីថ្ងៃទី២៨ខែកុម្ភៈខណៈដែលភាគីទាំងពីរមិនយល់ស្របលើកិច្ចពិភាក្សាជាមួយរុស្ស៊ីនិងលក្ខខណ្ឌនៃកិច្ចព្រមព្រៀងបទឈប់បាញ់ដ៏មានសក្តានុពលមួយ។ នៅក្នុងនោះ ប្រធានាធិបតី Zelensky បានបញ្ជាក់ថាជាដំបូងអាមេរិកត្រូវធានាសន្តិសុខសម្រាប់គៀវ។
យោងតាមទីភ្នាក់ងារសារព័ត៌មាន RT នៅថ្ងៃទី ៣ខែមីនា ការចែករំលែកនៅលើបណ្តាញសង្គម Truth Social លោក Trump បានឆ្លើយតបបន្ទាប់ពីលោក Zelensky បាននិយាយថា “កិច្ចព្រមព្រៀងដើម្បីបញ្ចប់ជម្លោះជាមួយរុស្ស៊ីគឺនៅឆ្ងាយណាស់ ហើយគ្មាននរណាម្នាក់បានចាប់ផ្តើមជំហានទាំងអស់នេះនៅឡើយទេ” ។ ប្រធានាធិបតីអ៊ុយក្រែនបានសង្កត់ធ្ងន់ថាកិច្ចព្រមព្រៀងសន្តិភាពណាមួយត្រូវតែ “យុត្តិធម៌ស្មោះត្រង់និងសំខាន់បំផុតគឺស្ថិតស្ថេរ”។“នេះគឺជាសេចក្តីថ្លែងការណ៍ដ៏អាក្រក់បំផុតដែលលោក Zelenskyអាចធ្វើបានហើយសហរដ្ឋអាមេរិកនឹងមិនអត់ធ្មត់ចំពោះរឿងនេះទៀតទេ! គាត់មិនចង់បានសន្តិភាពទេ ដរាបណាប្រទេសនេះគាំទ្រដោយអាមេរិក។ លោក Trump បាននិយាយថា”អឺរ៉ុប នៅក្នុងកិច្ចប្រជុំជាមួយលោក Zelensky បានបញ្ជាក់យ៉ាងច្បាស់ថា ពួកគេមិនអាចធ្វើបែបនេះដោយគ្មានសហរដ្ឋអាមេរិកទេ” ។
នៅក្នុងសង្គ្រាមពាក្យសម្តីនៅសេតវិមានកាលពីសប្តាហ៍មុន លោក Trump បានចោទប្រកាន់លោក Zelensky ពីបទ “មិនគោរព” សហរដ្ឋអាមេរិក។ យោងតាមមេដឹកនាំសេតវិមានលោក Zelensky គ្រោងនឹងចុះហត្ថលេខាលើកិច្ចព្រមព្រៀងមួយដែលអនុញ្ញាតឱ្យសហរដ្ឋអាមេរិកធ្វើអាជីវកម្មរ៉ែសំខាន់ៗនៅក្នុងប្រទេសអ៊ុយក្រែន។ទោះជាយ៉ាងណា កិច្ចព្រមព្រៀងនេះមិនត្រូវបានចុះហត្ថលេខាដោយសារតែការខ្វែងគំនិតគ្នារវាងមេដឹកនាំទាំងពីរ។កាលពីខែកុម្ភៈ លោក Zelensky បានទទួលស្គាល់ថាអ៊ុយក្រែនមាន “ឱកាសតិចតួច”ក្នុងការកម្ចាត់រុស្ស៊ីដោយគ្មានការគាំទ្រពីសហរដ្ឋអាមេរិក។ប៉ុន្តែលោកក៏បានសម្តែងការខឹងសម្បារដែលលោក Trump បន្តការចរចាផ្ទាល់ជាមួយរុស្ស៊ីដោយមិនបានពិគ្រោះជាមួយលោក។ ជាការឆ្លើយតប លោក Trump បានហៅលោក Zelenskyថាជា”ជនផ្តាច់ការ”៕ឌុំសាវ៉ុន
