មន្ត្រីបារាំងនិងអ្នកការទូតអាល្លឺម៉ង់ម្នាក់បាននិយាយថាទីក្រុងប៉ារីសបានត្រៀមខ្លួនរួចជាស្រេចក្នុងការប្រើខែលនុយក្លេអ៊ែររបស់ខ្លួនដើម្បីជួយការពារអឺរ៉ុប។ប៉ុន្តែសំណើផ្លូវការនឹងត្រូវបានធ្វើឡើងលុះត្រាតែសហរដ្ឋអាមេរិកដកការទប់ស្កាត់នុយក្លេអ៊ែរពីអាល្លឺម៉ង់។
កាសែតTelegraph បានដកស្រង់សម្តីមន្ត្រីបារាំងដែលមិនបញ្ចេញឈ្មោះដោយនិយាយថា ការដាក់ពង្រាយយន្តហោះចម្បាំងដែលផ្ទុកអាវុធនុយក្លេអ៊ែរទៅកាន់ប្រទេសអាល្លឺម៉ង់នឹងមិនពិបាកទេហើយនឹងផ្ញើសារខ្លាំងៗទៅកាន់ប្រធានាធិបតីរុស្ស៊ី។ទន្ទឹមនឹងនេះ អ្នកការទូតនៅទីក្រុងប៊ែរឡាំងបាននិយាយថា វិធានការនេះនឹងដាក់សម្ពាធលើនាយករដ្ឋមន្ត្រីអង់គ្លេសKeir Starmer ឱ្យធ្វើដូចគ្នា។លោកFriedrichMerzដែលនឹងក្លាយជាអធិការបតីអាល្លឺម៉ង់បន្ទាប់ពីឈ្នះការបោះឆ្នោតកាលពីចុងសប្តាហ៍មុនបានអំពាវនាវឱ្យចក្រភពអង់គ្លេសនិងបារាំងការពារអឺរ៉ុបដោយអាវុធនុយក្លេអ៊ែរ។សំណើនេះបានកើតឡើងខណៈលោក Merz បាននិយាយថា អឺរ៉ុបត្រូវការឯករាជ្យពីសហរដ្ឋអាមេរិក ហើយថាសហរដ្ឋអាមេរិកក្រោមការដឹកនាំរបស់លោក Trumpគឺ “ព្រងើយកន្តើយនឹងជោគវាសនារបស់អឺរ៉ុប”។ប្រធានាធិបតីបារាំង Emmanuel Macron បាននិយាយជាមួយលោក Merz នៅល្ងាចថ្ងៃទី២៣ខែកុម្ភៈ មុនពេលចាកចេញទៅកាន់សហរដ្ឋអាមេរិកដើម្បីបង្ហាញផែនការសម្រាប់សន្តិសុខអឺរ៉ុប និងការការពារអ៊ុយក្រែនដល់ប្រធានាធិបតីអាមេរិក DonaldTrump។ក្នុងអំឡុងពេលកិច្ចប្រជុំនៅសេតវិមានដែលបានធ្វើឡើងនៅថ្ងៃទី២៤ខែកុម្ភៈ។យ៉ាងពិតប្រាកដ៣ឆ្នាំចាប់តាំងពីជម្លោះរវាងអ៊ុយក្រែននិងរុស្ស៊ីបានចាប់ផ្តើម។ប្រធានាធិបតីអាមេរិកបានណែនាំថាប្រទេសរបស់គាត់នឹងមិនធានាសន្តិសុខរបស់អ៊ុយក្រែនបន្ទាប់ពីកិច្ចព្រមព្រៀងសន្តិភាពត្រូវបានចុះហត្ថលេខា។ថ្លែងបន្ទាប់ពីជំនួបនោះប្រធានាធិបតីបារាំងបាននិយាយថា “សន្តិភាពមិនមែនជាការចុះចាញ់របស់អ៊ុយក្រែនទេ” ហើយគាត់បានអំពាវនាវឱ្យអឺរ៉ុបធ្វើបន្ថែមទៀតដើម្បីការពារទ្វីប។
សហរដ្ឋអាមេរិកបានរក្សាសុវត្ថិភាពអឺរ៉ុបជាយូរមកហើយជាមួយនឹងឃ្លាំងអាវុធនុយក្លេអ៊ែរចំនួន១០០ដែលភាគច្រើនត្រូវបានដាក់ពង្រាយនៅមូលដ្ឋានយោធាអាមេរិកក្នុងប្រទេសអាល្លឺម៉ង់។
ការរារាំងនុយក្លេអ៊ែររបស់បារាំងបច្ចុប្បន្នគឺឯករាជ្យពីណាតូ ខណៈដែលអង់គ្លេសដើរតួនាទីសំខាន់ក្នុងយុទ្ធសាស្ត្រការពាររបស់សម្ព័ន្ធមិត្ត។ ប្រធានាធិបតីMacronបានជំរុញឱ្យមានការជជែកពិភាក្សាគ្នានៅអឺរ៉ុបស្តីពីតួនាទីអាវុធនុយក្លេអ៊ែររបស់បារាំងអាចដើរតួក្នុងការការពារទ្វីបនេះ។
ប្រធានាធិបតីបារាំង សហរដ្ឋអាមេរិក។ រូបថត៖BBC
ឃ្លាំងអាវុធរបស់បារាំងត្រូវបានគេជឿថាមានអាវុធនុយក្លេអ៊ែរប្រហែល ៣០០ដើម ដែលមានសមត្ថភាពបាញ់ចេញពីសមុទ្រនិងអាកាស។ ការទប់ស្កាត់នុយក្លេអ៊ែរ Trident របស់ចក្រភពអង់គ្លេស មាននាវាមុជទឹកប្រភេទ Vanguard-class ចំនួន៤ដែលនីមួយៗអាចផ្ទុកក្បាលគ្រាប់បានរហូតដល់១៦គ្រាប់៕ឌុំសាវ៉ុន
