ប្រធានាធិបតីTrumpបានហៅមហាសេដ្ឋី Elon Musk ថាជា “អ្នកស្នេហាជាតិ”ហើយបានបង្ហាញពីទំនុកចិត្តរបស់គាត់ចំពោះនាយកដ្ឋានប្រសិទ្ធភាពរដ្ឋាភិបាល(DOGE) ។
យោងតាមសារព័ត៌មាន The Hill កាលពីថ្ងៃទី១៨ ខែកុម្ភៈប្រធានាធិបតី Donald Trump បាននិយាយអំពីតួនាទីរបស់មហាសេដ្ឋី Elon Musk នៅក្នុងរដ្ឋាភិបាលសហរដ្ឋអាមេរិកចំពេលមានព័ត៌មានមិនច្បាស់លាស់អំពី “ឋានៈផ្លូវការ”របស់លោក Musk ។លោក Trump បាននិយាយថា “សម្រាប់ខ្ញុំ ElonMusk គឺជាអ្នកស្នេហាជាតិ។ អ្នកអាចហៅគាត់ថា “អ្នកប្រឹក្សា” អ្នកអាចហៅគាត់តាមដែលអ្នកចង់បាន។ ប៉ុន្តែគាត់ជាអ្នកស្នេហាជាតិហើយវាគ្រប់គ្រាន់ហើយ។ក្រោយមកប្រធានាធិបតី Trump បានសរសើរការងាររបស់DOGE ខណៈពេលដែលធានាថានឹងមិនមាន”ទំនាស់ផលប្រយោជន៍” នៅពេលដែលDOGEបានស៊ើបអង្កេតកិច្ចសន្យាជាមួយរដ្ឋបាលអាកាសចរណ៍សហព័ន្ធ (FAA) និងក្រសួងការពារជាតិជាមួយ SpaceX ។លោក Trump បានចែករំលែកថា “ខ្ញុំបានសួរ Musk អំពីមនុស្សដែលធ្វើការលើ DOGE ។ គាត់បាននិយាយថា វាជាក្រុមនៃ “អ្នកពូកែកុំព្យូទ័រស្នេហាជាតិ” ។ វាសាមញ្ញដូចនោះ” ។ការអត្ថាធិប្បាយរបស់លោក Trump បានកើតឡើងចំពេលមានព័ត៌មានមិនច្បាស់លាស់ជាច្រើនអំពី”តំណែង” របស់មហាសេដ្ឋី Elon Musk ។ យោងតាមកំណត់ត្រាសេតវិមាន លោក Musk ត្រូវបានចុះបញ្ជីជា “ទីប្រឹក្សាជាន់ខ្ពស់របស់ប្រធានាធិបតី” ។ប៉ុន្តែមិនមែនជាបុគ្គលិករដ្ឋាភិបាលផ្លូវការនោះទេ។ គួរកត់សម្គាល់ថាមហាសេដ្ឋីElon Musk មិនមែនជាអ្នកដឹកនាំ ឬបុគ្គលិករបស់ DOGE នោះទេ។
ខណៈពេលដែលការបញ្ជាក់ពីតួនាទីរបស់មហាសេដ្ឋី Elon Musk និង DOGE លោកប្រធានាធិបតី Trump ក៏បានបង្ហាញរបាយការណ៍មួយចំនួនស្តីពីស្ថានភាពសន្តិសុខសង្គមនៅសហរដ្ឋអាមេរិកផងដែរ។លោក Trump បាននិយាយថា “គួរឱ្យសោកស្តាយ យើងមានភ្នាក់ងារពុករលួយមួយចំនួន។ខ្ញុំកំពុងឃើញមនុស្សជាង៤លាននាក់ដែលមានអាយុចន្លោះពី១០០ទៅ១០៩ឆ្នាំទទួលបានការត្រួតពិនិត្យសន្តិសុខសង្គមរួមទាំងមនុស្សជាច្រើនដែលបានទទួលមរណភាព”។
យោងតាមប្រព័ន្ធផ្សព្វផ្សាយអាមេរិកប្រធានរដ្ឋបាលសន្តិសុខសង្គមរបស់សហរដ្ឋអាមេរិក (SSA) បានលាលែងពីតំណែងកាលពីថ្ងៃទី១៧ខែកុម្ភៈ បន្ទាប់ពីបដិសេធសំណើរបស់ DOGE ក្នុងការចូលប្រើទិន្នន័យ៕ឌុំសាវ៉ុន
