វិមានក្រឹមឡាំងបានប្រតិកម្មថាសហរដ្ឋអាមេរិកបានទាក់ទងរុស្ស៊ីអំពីការធ្លាក់យន្តហោះ
ប្រធានាធិបតីDonaldTrumpបាននិយាយថារដ្ឋាភិបាលអាមេរិកបានទាក់ទងជាមួយទីក្រុងម៉ូស្គូទាក់ទងនឹងពលរដ្ឋរុស្ស៊ីដែលបានស្លាប់ក្នុងឧបទ្ទវហេតុធ្លាក់យន្តហោះនៅអាកាសយានដ្ឋានក្នុងទីក្រុងវ៉ាស៊ីនតោន។
យោងតាមទីភ្នាក់ងារសារព័ត៌មានRTអ្នកដំណើរនិងសមាជិកនាវិកទាំងអស់៦៤នាក់នៅលើយន្តហោះ Flight 5342 ត្រូវបានសម្លាប់នៅពេលដែលយន្តហោះ BombardierCRJ700របស់អាកាសចរណ៍អាមេរិកបានបុកជាមួយឧទ្ធម្ភាគចក្រ H-60 Black Hawk របស់យោធាអាមេរិកពេលចុះចតនៅទីក្រុងវ៉ាស៊ីនតោនកាលពីល្ងាចខែមករា២៩។សមាជិកយោធាអាមេរិក៣នាក់នៅលើឧទ្ធម្ភាគចក្រក៏ត្រូវបានស្លាប់ផងដែរ។លោកTrumpបានប្រាប់អ្នកយកព័ត៌មាននៅក្នុងសន្និសីទសារព័ត៌មាននៅសេតវិមាននៅថ្ងៃទី៣០/៣ថា”ជាអកុសលមានជនជាតិរុស្ស៊ីមួយក្រុមនៅលើយន្តហោះដែលជាមនុស្សមានទេពកោសល្យខ្លាំងណាស់។លោក Trump បានបន្ថែមថា “យើងបានទាក់ទងជាមួយរុស្ស៊ី” ដោយបន្ថែមថាសហរដ្ឋអាមេរិក”នឹងជួយសម្រួល”ការផ្ទេរអដ្ឋិធាតុរបស់ពលរដ្ឋរុស្ស៊ីដែលបានស្លាប់ក្នុងឧបទ្ទវហេតុនេះ ទោះបីជាទណ្ឌកម្ម និងការហាមឃាត់ការហោះហើរនៅតែមានប្រសិទ្ធភាពក៏ដោយ។
វិមានក្រឹមឡាំងក្រោយមកបានបំភ្លឺថា”ទំនាក់ទំនង” ដែលលោក Trump សំដៅទៅលើមិនពាក់ព័ន្ធនឹងការទំនាក់ទំនងដោយផ្ទាល់រវាងប្រធានាធិបតីអាមេរិកនិងប្រធានាធិបតីរុស្ស៊ី លោក Vladimir Putin។ស្ថានទូតរុស្ស៊ីក្នុងទីក្រុងវ៉ាស៊ីនតោនក៏បានសម្តែងការរំលែកទុក្ខដល់ប្រជាជនអាមេរិកចំពោះសោកនាដកម្មនេះផងដែរ ដោយបន្ថែមថា “យើងមានការសោកស្ដាយយ៉ាងខ្លាំងដែលបានដឹងពីសេតវិមានថាមានពលរដ្ឋរុស្ស៊ីនៅលើយន្តហោះ”។ស្ថានទូតរុស្ស៊ីបានបន្ថែមថា ពួកគេនៅតែរង់ចាំព័ត៌មានពីក្រសួងការបរទេសអំពីពលរដ្ឋរុស្ស៊ីដែលបានស្លាប់ក្នុងហេតុការណ៍ធ្លាក់យន្តហោះ។ក្រុមហ៊ុនអាកាសចរណ៍ American Airlinesមិនទាន់បានបញ្ចេញឈ្មោះនាវិកនិងអ្នកដំណើរដែលបានស្លាប់នោះទេ។ទោះបីជាយ៉ាងណាក៏ដោយជនរងគ្រោះមួយចំនួនត្រូវបានគេកំណត់អត្តសញ្ញាណតាមរយៈការបង្ហោះនៅលើបណ្តាញសង្គម និងការសម្ភាសន៍ជាមួយសមាជិកគ្រួសារនិងមិត្តភក្តិ។
រដ្ឋបាល Trump បានសន្យាថានឹងធ្វើការស៊ើបអង្កេតភ្លាមៗ និងទូលំទូលាយទៅលើមូលហេតុនៃសោកនាដកម្មថ្ងៃទី២៩ខែមករា។ លោកTrumpបាននិយាយថាមូលហេតុនៃឧបទ្ទវហេតុនេះអាចជានាវិកនៃឧទ្ធម្ភាគចក្រយោធាឬការគ្រប់គ្រងចរាចរណ៍ផ្លូវអាកាសនៅឯអាកាសយានដ្ឋានជាតិ Ronald Reagan៕
